ഡോക്ടര്‍മാര്‍ മെഡിക്കല്‍ ബന്ദില്‍ പങ്കെടുക്കാന്‍ പോയ സംഭവത്തെക്കുറിച്ച് അന്വേഷിക്കാന്‍ ഉത്തരവ്

ഡോക്ടര്‍മാര്‍ രോഗിയെ പരിശോധിക്കാതെ മെഡിക്കൽ ബന്ദിൽ പങ്കെടുക്കാൻ പോയ സംഭവത്തെക്കുറിച്ച് അന്വേഷിക്കാൻ നിർദേശിച്ചിട്ടുണ്ടെന്നു ആരോഗ്യമന്ത്രി മന്ത്രി കെകെ ശൈലജ. മെഡിക്കൽ എത്തിക്സിന് നിരക്കാത്ത സംഭവങ്ങൾ അംഗീകരിക്കാനാകില്ലെന്നും മന്ത്രി വ്യക്തമാക്കി.

അതേസമയം മുന്നിലിരിക്കുന്ന രോഗിയെ പരിശോധിക്കാൻ ഡോക്ടർക്കു ബാധ്യതയുണ്ട്. ആ ഡോക്ടറെ പിടിച്ചിറക്കിക്കൊണ്ടുപോയതു ശരിയായില്ലെന്നും മന്ത്രി പറഞ്ഞു. ചികിത്സ നിഷേധിച്ചു ഡോക്ടർമാർ തെരുവിലിറങ്ങിയത് നിയമവിരുദ്ധവും മനുഷ്യാവകാശ ലംഘനവുമാണെന്നു മനുഷ്യാവകാശ കമ്മിഷൻ നിരീക്ഷിച്ചു.