ഓഖി ചുഴലിക്കാറ്റ് : കാണാതായവര്‍ക്ക് വേണ്ടിയുള്ള തെരച്ചില്‍ സര്‍ക്കര്‍ ഇന്നവസാനിപ്പിക്കും

ഓഖി ചുഴലിക്കാറ്റില്‍ കടിലില്‍ കാണാതായവര്‍ക്ക് വേണ്ടിയുള്ള തെരച്ചില്‍ സര്‍ക്കര്‍ ഇന്നവസാനിപ്പിക്കും. നൂറോളം ബോട്ടുകളാണ് തെരച്ചിലിനായി കടലിലേക്ക് പോയിരിക്കുന്നത്. വ്യാഴാഴ്ച രണ്ട് മൃതദേഹങ്ങള്‍ കൂടി കണ്ടെത്തിയതോടെ ദുരന്തത്തിലെ മരണസംഖ്യ 74 ആയി. കണ്ണുരില്‍ നിന്നും ഇന്നലെ കണ്ടെത്തിയ രണ്ടു മൃതദേഹങ്ങളാണ് തെരച്ചിലില്‍ അവസാനമായി കിട്ടിയത്.

ഏഴിമല ഭാഗത്തു നിന്ന് 12 നോട്ടിക്കല്‍ മൈല്‍ അകലെയാണ് കടലില്‍ ഒഴുകുന്ന നിലയില്‍ തീരദേശ പോലീസ് രണ്ടു മൃതദേഹങ്ങള്‍ കണ്ടെത്തി കരയില്‍ എത്തിച്ചത്. സര്‍ക്കാരിന്റെ കണക്കുകള്‍ പ്രകാരം ഇതുവരെ 2,844 പേരെ ഇതുവരെ രക്ഷപ്പെടുത്തി. 131 പേരെ കൂടി ഇനിയും കണ്ടെത്താനുണ്ട്. കൊച്ചിയില്‍ നിന്നും അഞ്ച് മത്സ്യത്തൊഴിലാളികള്‍ വീതമുള്ള 50 ബോട്ടുകളായിരുന്നു ഇന്നലെ തെരച്ചില്‍ നടത്തിയത്. കിട്ടിയ മൃതദേഹങ്ങളില്‍ 44 എണ്ണം ഇനിയും തിരിച്ചറിയാനുണ്ട്.