രാഷ്ട്രീയസംഘര്‍ഷം : പാനൂരില്‍ സിപിഎം പ്രവര്‍ത്തകര്‍ക്ക് വെട്ടേറ്റു

പാനൂരില്‍ സിപിഎം പ്രവര്‍ത്തകര്‍ക്ക് വെട്ടേറ്റു. സിപിഎം പുത്തൂര്‍ ലോക്കല്‍ കമ്മിറ്റി അംഗം നൗഷാദ് കളത്തില്‍ ഒപ്പമുണ്ടായിരുന്ന പൂളാണ്ടി നൗഫല്‍ എന്നിവര്‍ക്കാണ് വെട്ടേറ്റത്. ചെണ്ടയാട് കുന്നുമ്മല്‍ സിപിഎം ഓഫിസിന് മുന്നില്‍വെച്ച് ചൊവ്വാഴ്ച രാത്രി 11 മണിയോടെയായിരുന്നു ആക്രമണം. ഇരുവരെയും ഉടന്‍ തലശ്ശേരിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. കഴുത്തിനും കാലിനും കൈകള്‍ക്കുമായി മാരകമായ ഒമ്പതോളം വെട്ടാണ് നൗഷാദിനുള്ളത്. കടയില്‍ നിന്നും സാധനങ്ങള്‍ വാങ്ങി വീട്ടിലേക്ക് നടന്നു പോകുന്നതിനിടെയായിരുന്നു ഇരുവര്‍ക്കുനേരെയും ആക്രമണമുണ്ടായത്.