ആരും വികസന വിരോധികളല്ല ; ഗെയില്‍ വിഷയത്തില്‍ നയം വ്യക്തമാക്കി ഇ.ടി. മുഹമ്മദ് ബഷീര്‍

ആരും വികസന വിരോധികളല്ലെന്ന് ഇ.ടി. മുഹമ്മദ് ബഷീര്‍ എംപി. പ്രകൃതിവാതക പൈപ്പ് ലൈനിനെതിരെ കോഴിക്കോട് മുക്കത്ത് നടക്കുന്ന സമരത്തോട് പ്രതികരിക്കുകയായിരുന്നു അദ്ദേഹം.

ഗെയില്‍ പദ്ധതിയിലെ ജനങ്ങളുടെ ആശങ്കകള്‍ പരിഹരിക്കാതെയുള്ള വികസനം ശരിയല്ല. ആരും വികസന വിരോധികളല്ലെന്നും സര്‍വകക്ഷി യോഗത്തില്‍ നല്ല തീരുമാനങ്ങള്‍ ഉണ്ടാകുമെന്നാണ് പ്രതീക്ഷയെന്നും ബഷീര്‍ പറഞ്ഞു. സമരം ഒത്തുതീര്‍പ്പാക്കാന്‍ സര്‍ക്കാര്‍ വിളിച്ച സര്‍വകക്ഷി യോഗം ഇന്ന് ചേരും. വൈകീട്ട് നാലിന് കോഴിക്കോട് കളക്ടറേറ്റിലാണ് വ്യവസായ മന്ത്രി എ.സി. മൊയ്തീന്റെ അധ്യക്ഷതയില്‍ യോഗം ചേരുന്നത്.