വാട്‌സ് അപ്പ് കൂടുതല്‍ മിനുങ്ങുന്നു,ഇനി ഓഡിയോ വീഡിയോ ഗ്രൂപ്പ് കോളിംങ്ങും

വാട്‌സ്അപ് മെസഞ്ചറിനെ ഉപഭോക്താക്കള്‍ക്ക് കൂടുതല്‍ ആകര്‍ഷകമാക്കുന്നതിനായി ഓഡിയോ,വീഡിയോ ഗ്രൂപ് കോളിങും ഉടന്‍ സജ്ജമാകും.വാട്‌സ് അപ്പില്‍ പുതിയ സംവിധാനമെത്തുന്നതോടെ ആപ്പ് കൂടുതല്‍ ജനപ്രിയമാകുമെന്നാണ് കമ്പനി അധികൃതരുടെ വിലയിരുത്തല്‍,ഫേസ്ബുക് മെസഞ്ചറില്‍ ഈ സൗകര്യം നിലവില്‍ ലഭ്യമാണ്.

വാട്‌സ്അപ്പിന്റെ പുതിയ ഫീച്ചറുകളെ കുറിച്ചുള്ള റിപ്പോര്‍ട്ടുകള്‍ പുറത്തുവിടുന്ന വീബീറ്റ ഇന്‍ഫോയാണ് ഇതും പുറത്തുവിട്ടിരിക്കുന്നത്. വാട്‌സ് അപ്പ് ഗ്രൂപ്പ് വോയ്‌സ് കോളുകള്‍ സജ്ജമാക്കുമെന്ന് വളരെ നേരത്തെ തന്നെ വിബീറ്റ ഇന്‍ഫോ റിപ്പോര്‍ട് ചെയ്തിരുന്നു.ഇതിന്റെ തുടര്‍ച്ചയെന്നോണമാണ് സ്ഥിരീകരണം വന്നിരിക്കുന്നത്.

വാട്ട്സ്ആപ്പിന്റെ അടുത്ത അപ്ഡേറ്റ് പുറത്തുവിടുമ്പോള്‍ അതില്‍ ഗ്രൂപ്പ് അഡ്മിന്‍മാര്‍ക്ക് കൂടുതല്‍ നിയന്ത്രണങ്ങള്‍ നല്‍കുന്ന ഫീച്ചറുകള്‍ ഉണ്ടാകും. ഇപ്പോള്‍ വാട്ട്സ്ആപ്പ് ഗ്രൂപ്പിലുള്ള ആര്‍ക്കും ഗ്രൂപ്പിന്റെ പേര് മാറ്റുകയോ ചിത്രം മാറ്റുകയോ ഡിസ്‌ക്രിപ്ഷന്‍ മാറ്റുകയോ ചെയ്യാം. എന്നാല്‍, അടുത്ത അപ്ഡേറ്റോട് കൂടി ഗ്രൂപ്പ് അഡ്മിന്മാര്‍ക്ക് മാത്രമെ ഇത് ചെയ്യാന്‍ സാധിക്കുകയുള്ളു. ഫെയ്സ്ബുക്ക് ഗ്രൂപ്പുകള്‍ പ്രവര്‍ത്തിക്കുന്ന മാതൃകയിലാണിത്.