തോമസ് ചാണ്ടിയുടെ ലേക് പാലസിന്റെ ഫയലുകള്‍ കാണാതായ സംഭവത്തില്‍ നാല് ഉദ്യോഗസ്ഥര്‍ക്കെതിരെ നടപടി

മന്ത്രി തോമസ് ചാണ്ടിയുടെ ലേക്ക് പാലസ് റിസോര്‍ട്ടുമായി ബന്ധപ്പെട്ട ഫയലുകള്‍ ആലപ്പുഴ നഗരസഭയില്‍ നിന്ന് കാണാതായ സംഭവത്തില്‍ നാല് ഉദ്യോഗസ്ഥര്‍ക്കെതിരെ നടപടിക്ക് ശിപാര്‍ശ. ഇന്നു ചേര്‍ന്ന മുനിസിപ്പല്‍ കൗണ്‍സില്‍ യോഗത്തിലാണ് നടപടി വേണമെന്ന ആവശ്യം ഉയര്‍ന്നത്. ലേക്ക് പാലസിലെ അനധികൃത നിര്‍മ്മാണവും കയ്യേറ്റവുമായി ബന്ധപ്പെട്ട വാര്‍ത്തകള്‍ പുറത്തുവന്നതോടെ നഗരസഭയില്‍ നിന്നും ഇതു സംബന്ധിച്ച ഫയലുകള്‍ അപ്രത്യക്ഷമാകുകയായിരുന്നു. നഗരസഭാ സെക്രട്ടറിയടക്കം നാലു പേരെ സസ്‌പെന്റു ചെയ്‌തേക്കുമെന്നാണ് സൂചന.