ബി.ഡി.ജെ.എസ് യു.ഡി.എഫ് ക്യാംപും ലക്ഷ്യം വയ്ക്കുന്നു !

ബി.ഡി.ജെ.എസ് യു.ഡി.എഫ് ക്യാംപും ലക്ഷ്യം വയ്ക്കുന്നതായി റിപ്പോര്‍ട്ട്‌. ബി.ഡി.ജെ.എസ് നേതാവ് തുഷാര്‍ വെള്ളാപ്പള്ളിയുമായി ഉമ്മന്‍ ചാണ്ടി ടെലിഫോണില്‍ സംസാരിച്ചു. മുന്നണി പ്രവേശനം സംബന്ധിച്ച് ഉമ്മന്‍ ചാണ്ടി ചര്‍ച്ചയ്ക്ക് സന്നദ്ധമാണെന്ന് അറിയിച്ചതായാണ് സൂചന. ബി.ജെ.പിയില്‍ നിന്ന് തുടര്‍ച്ചയായി അവഗണന നേരിടുന്നതാണ് മുന്നണി മാറ്റത്തിന് പാര്‍ട്ടിയെ പ്രേരിപ്പിക്കുന്നത്. കഴിഞ്ഞ മന്ത്രിസഭാ പുനഃസംഘടനയുടെ സമയത്തും പാര്‍ട്ടിക്ക് പരിഗണന ലഭിക്കുമെന്ന് പ്രതീക്ഷിച്ചുവെങ്കിലും നിരാശയായിരുന്നു ഫലം.

ബി.ഡി.ജെ.എസ് എന്‍.ഡി.എയില്‍ തുടരുന്നതില്‍ അര്‍ത്ഥമില്ലെന്നും അര്‍ഹിക്കുന്ന പരിഗണന സഖ്യം നല്‍കിയിട്ടില്ലെന്നും എസ്.എന്‍.ഡി.പി യോഗം ജനറല്‍ ശസക്രട്ടറി വെള്ളാപ്പള്ളി നടേശന്‍ ഇന്നലെ പറഞ്ഞിരുന്നു. ക്ലിഫ് ഹൗസില്‍ എത്തി മുഖ്യമന്ത്രി പിണറായി വിജയനുമായി കുടിക്കാഴ്ച നടത്തിയിരുന്നു വെള്ളാപ്പള്ളി.