വാണി വിശ്വനാഥ് രാഷ്ട്രിയത്തിലേയ്ക്ക്

നടി വാണി വിശ്വനാഥ് രാഷ്ട്രിയത്തിലേയ്ക്ക്. തെലുങ്കുദേശം പാര്‍ട്ടിയിലൂടെയാണ് ഇവര്‍ രാഷ്ട്രിയത്തില്‍ ഇറങ്ങുന്നത്. തനിക്ക് ഏറ്റവും പ്രിയപ്പെട്ടതു തെലുങ്കുദേശം പാര്‍ട്ടിയാണ് എന്ന് ഒരു അഭിമുഖത്തില്‍ വാണിവിശ്വനാഥ് പറഞ്ഞു. പാര്‍ട്ടിയില്‍ ചേരണം എന്ന് ആവശ്യപ്പെട്ടു തെലുങ്കുദേശം പാര്‍ട്ടിയിലെ ചില നേതാക്കള്‍ തന്നെ സമീപിച്ചിരുന്നു. ഇറങ്ങുകയാണെങ്കില്‍ അവര്‍ക്കൊപ്പമായിരിക്കുമെന്നു താന്‍ ഉറപ്പു നല്‍കി എന്നും വണി വിശ്വനാഥ് പറയുന്നു.

ഇന്ത്യയില്‍ തനിക്ക് ഏറ്റവും ബഹുമാനമുള്ള രാഷ്ട്രിയ നേതാവ് തെലുങ്കുദേശം പാര്‍ട്ടി നേതാവായ ചന്ദ്രബാബു നായിഡുവിനോടാണ് എന്നും വാണി പറയുന്നു. 40 വയസില്‍ താന്‍ രാഷ്ട്രിയത്തില്‍ ഇറങ്ങും എന്ന് അച്ഛന്‍ പ്രവചിച്ചിരുന്നു. രാഷ്ട്രിയത്തില്‍ ഇറങ്ങുന്നതിനു കുടുംബത്തിന്റെ എല്ലാവിധ പിന്തുണയും ഉണ്ട് എന്നും വണി വിശ്വനാഥ് പറയുന്നു.