അണ്ടര്‍ 17 ലോകകപ്പ്: കൊച്ചിയിലെ വേദി മാറ്റേണ്ടി വരുമെന്ന് ഫിഫ

അണ്ടര്‍ 17 ലോകകപ്പ് ഫുട്‌ബോളിന് വേദിയാകുന്ന കൊച്ചി കലൂര്‍ സ്‌റ്റേഡിയത്തിന് സമീപത്തെ കടകള്‍ ഒഴിപ്പിച്ചില്ലെങ്കില്‍ വേദി മാറ്റേണ്ടി വരുമെന്നു ഫിഫയുടെ നിര്‍ദ്ദേശം ലഭിച്ചതായി അഖിലേന്ത്യാ ഫുട്‌ബോള്‍ ഫെഡറേഷന്‍ വ്യക്തമാക്കി.

ഇന്ത്യ ആദ്യമായി വേദിയാകുന്ന ഫിഫ അണ്ടര്‍ 17 ലോകകപ്പിന്റെ ആറ് ലീഗ് മത്സരങ്ങളും ഓരോ പ്രീക്വാര്‍ട്ടറും ക്വര്‍ട്ടര്‍ ഫൈനല്‍ മത്സരവുമാണ് കൊച്ചി ജവഹര്‍ലാല്‍ നെഹ്‌റു സ്‌റ്റേഡിയത്തില്‍ നടക്കുക. ഒക്‌ടോബര്‍ ഏഴിന് വൈകുന്നേരം അഞ്ചിന് ബ്രസീലും സ്‌പെയ്‌നും തമ്മിലാണ് കൊച്ചിയിലെ ആദ്യ മത്സരം. എട്ട് മണിക്ക് കൊറിയയും നൈജും തമ്മിലുള്ള മത്സരവും . ആദ്യ ദിവസത്തെ മത്സരത്തിനുള്ള ടിക്കറ്റുകളെല്ലാം വിറ്റഴിഞ്ഞു കഴിഞ്ഞു. ഇതിനിടെയാണ് ഫിഫയുടെ അന്ത്യശാസനം .