നികുതി പരിഷ്‌കരണം : സംസ്ഥാന ഖജനാവ് കാലിയാക്കി

നികുതി പരിഷ്‌കരണത്തിന് പിന്നാലെ സംസ്ഥാന ഖജനാവിലെ വരുമാനം കുറഞ്ഞതായി റിപ്പോര്‍ട്ട്. വാറ്റ് നികുതി വഴി 1200 കോടി ലഭിക്കേണ്ടിടത്ത് വെറും 500 കോടി മാത്രമാണ് സംസ്ഥാന ഖജനാവിലേക്ക് എത്തിയതെന്നാണ് റിപ്പോര്‍ട്ട്. ജൂലൈ മാസത്തിലെ നികുതിയടക്കാനുള്ള തീയ്യതി നീട്ടിയതും കേന്ദ്ര വിഹിതം ലഭിക്കാനിരിക്കുന്നതും ചൂണ്ടിക്കാട്ടി നികുതിയില്‍ കുറവുണ്ടായില്ലെന്ന് ധനവകുപ്പ് വ്യക്തമാക്കിയിട്ടുണ്ട്. സംസ്ഥാനത്ത് രണ്ടര ലക്ഷം വ്യാപാരികളില്‍ 80000 പേരില്‍ നിന്നുള്ള നികുതി ലഭിച്ച ശേഷം പുറത്തുവന്നതാണ് ഈ കണക്ക്. അതേസമയം ഇനിയും 1.70 ലക്ഷം പേര്‍ ഇനിയും നികുതിയടക്കാനുണ്ടെന്ന് അധികൃതര്‍ ചൂണ്ടിക്കാട്ടി.