കല്ലായി പുഴ സംരക്ഷിക്കാന്‍ ജനകീയ സമിതി രംഗത്ത്‌

കല്ലായി പുഴയെ സംരക്ഷിക്കാന്‍ പുഴ സംരക്ഷണ സമിതിയുടെ ആഭിമുഖ്യത്തില്‍ ജനകീയ കൂട്ടായ്‌മ സംഘടിപ്പിച്ചു. സി.പി.ഐ. ദേശീയനിര്‍വാഹക സമിതി അംഗം ബിനോയ്‌ വിശ്വം ഉദ്‌ഘാടനം ചെയ്‌തു. കല്ലായിപുഴ അനുദിനം നമ്മുടെ കണ്‍മുന്നില്‍ കിടന്ന്‌ മരിച്ചുകൊണ്ടിരിക്കുകയാണെന്ന്‌ അദ്ദേഹം പറഞ്ഞു.

കല്ലായിപുഴ സമൂഹത്തിന്‍റെ സ്വത്താണ്‌. പരമ്പരാഗത മരവ്യവസായം തകരാതിരിക്കാനായി സര്‍ക്കാര്‍ പുഴയോട്‌ ചേര്‍ന്ന കുറച്ചുഭൂമി ലീസിന്‌ നല്‍കിയിരുന്നു. ഇതിന്റെ കണക്കുകള്‍ സര്‍ക്കാര്‍ രേഖയായിട്ടുണ്ട്‌. എന്നാല്‍ ചിലര്‍ ഭൂമി കയേ്േറിയിരിക്കുകയാണ്‌. മരവ്യവസായം സംരക്ഷിക്കപ്പെടണം. എന്നാല്‍ ഇതിന്റെ പേരില്‍ നടക്കുന്ന കൈയ്യേറ്റങ്ങളെ അനുവദിക്കാന്‍ കഴിയില്ലെന്നും ഇനിയും ഈ പ്രവണതയെ തുടര്‍ന്നാല്‍ കല്ലായി പുഴ പൂര്‍ണമായും നശിക്കുമെന്നും അദ്ദേഹം പറഞ്ഞു.

പണക്കാരെ കാണുമ്പോള്‍ രാഷ്ര്‌ടീയ പ്രവര്‍ത്തകര്‍ കവാത്ത്‌ മറക്കരുത്‌. താനടങ്ങുന്ന രാഷ്ര്‌ടീയ പാര്‍ട്ടി നേതാക്കള്‍ പുഴസംരക്ഷണത്തിന്റെ ഭാഗമായിതീരുമെന്നും പ്രകൃതി സംരക്ഷണത്തെ പറ്റി ചിന്താകാതെ ഒരു രാഷ്ര്‌ടീയ പാര്‍ട്ടിക്കും ഇനി മുന്നോട്ടുപോവാന്‍ കഴിയില്ലെന്നും അദ്ദേഹം കൂട്ടിചേര്‍ത്തു.