ബെഡ് വിത്ത് ആക്ടിങ് എന്നറിയപ്പെടുന്ന ഒരു പാക്കേജ് സിനിമയിലുണ്ടെന്ന് നടി ഹിമാശങ്കര്‍

മലയാള സിനിമയില്‍ കാസ്റ്റിംഗ് കൗച്ച് ഉണ്ടെന്ന് നടി പാര്‍വതി വെളിപ്പെടുത്തിയത് വിവാദമായിരുന്നു. എന്നാല്‍ താരസംഘടന ഇത് തള്ളുകയായിരുന്നു. പാര്‍വതിയുടെ വെളിപ്പെടുത്തല്‍ ശരിവച്ച് പിന്നീട് പദ്മപ്രിയ അടക്കം ചില വെളിപ്പെടുത്തലുകള്‍ നടത്തിയിരുന്നു. ബെഡ് വിത്ത് ആക്ടിങ് എന്നറിയപ്പെടുന്ന ഒരു പാക്കേജ് സിനിമയിലുണ്ടെന്ന് നടി ഹിമാശങ്കറിന്റെ വെളിപ്പെടുത്തല്‍.

സ്‌കൂള്‍ ഓഫ് ഡ്രാമയിലെ പഠനകാലത്ത് പാക്കേജ് സമ്മതമാണെങ്കില്‍ അവസരം നല്‍കാമെന്ന് പറഞ്ഞ് സിനിമയില്‍ നിന്ന് ചിലര്‍ തന്നെ വിളിച്ചിട്ടുണ്ടെന്ന് ഹിമ വെളിപ്പെടുത്തി. സിനിമയിലെ പാക്കേജ് എന്ന പ്രയോഗം ആദ്യം കേട്ടപ്പോള്‍ അത് എന്താണെന്ന് വിളിച്ചയാളോട് ചോദിച്ചു. ബെഡ് വിത്ത് ആക്ടിങ് എന്നായിരുന്നു മറുപടിയെന്നും ഹിമ പറഞ്ഞു. ഇത്തരത്തില്‍ സമീപിച്ച മൂന്ന് പേരോട് പറ്റില്ല എന്ന് പറഞ്ഞു. അതിന് ശേഷം വിളി വന്നിട്ടില്ലെന്നും ഹിമ പറഞ്ഞു. ഒരു ആക്ടിവിസ്റ്റ് മുഖമുള്ളതിനാലാകും ഇപ്പോള്‍ അത്തരക്കാരുടെ ശല്യമില്ല.