താര കല്ല്യാണ്‍ മരിച്ചുവെന്ന് ഫെയ്‌സ്ബുക്ക്‌ !

ജീവിച്ചിരിക്കുന്ന ഒരു സെലിബ്രിറ്റിയെ വെറുതെയങ്ങ് ‘കൊല്ലുന്നത്‘ സോഷ്യല്‍ മീഡിയയുടെ സ്ഥിരം പരിപാടിയാണ്. സോഷ്യല്‍ മീഡിയ തന്നെ ഒരാളെയങ്ങ് കൊന്നുവെന്ന് പറഞ്ഞാല്‍ വിശ്വസിക്കാന്‍ ആകുമോ?

ജീവിച്ചിരിക്കുന്ന ഒരു സെലിബ്രിറ്റിയെ ഫേസ്ബുക്ക് തന്നെ മരിച്ചതായി അടയാളപ്പെടുത്തിയിരിക്കുകയാണ്. പ്രമുഖ നടി താരാ കല്യാണിനെയാണ് സുക്കർബർഗിന്റെ ഫേസ്ബുക്ക് കൊന്നത്. ശരിക്കും മരിച്ചത് താരാ കല്യാണല്ല, ഭർത്താവ് രാജാറാമാണ്.

മരിച്ചുപോയവരുടെ ഓർമകൾ നിലനിർത്തുന്നതിനുള്ള ഫേസ്ബുക്കിന്റെ സംവിധാനമാണ് ഫേസ്ബുക്ക് റിമംബറിങ് ഫീച്ചർ. ഈ വിഭാഗത്തിലാണ് താര കല്യാണിന്റെ ഫെസ്ബുക്ക് പേജ് ഇപ്പോള്‍ ഉള്ളത്. താരയെ സ്നേഹിക്കുന്ന ആളുകൾ ഈ പ്രൊഫൈൽ സന്ദർശിക്കുകയും അവരെ ഓർമിക്കുകയും ചെയ്യുന്നതിൽ സന്തുഷ്ടരായിരിക്കും എന്ന് പ്രതീക്ഷിക്കുന്നു എന്നൊരു സന്ദേശവും താര കല്യാണിന്റെ പ്രൊഫൈലിൽ ഫേസ്ബുക്ക് ചേർത്തിട്ടുണ്ട്. മരണം തെളിയിക്കുന്ന പത്രവാര്‍ത്തയോ ഡോക്യുമെന്റോ നൽകിയാൽ മാത്രമേ ഫേസ്ബുക്കിൽ ഈ റിമംബറിങ് ഫീച്ചർ വരാന്‍ പാടുള്ളു എന്നതാണ് വസ്തുത. ഇതൊന്നുമില്ലാതെയാണ് താര കല്യാണ്‍ മരിച്ചതായി ഫെസ്ബുക്ക് പ്രഖ്യാപിച്ചിരിക്കുന്നത്.