“ഇന്നാട്ടിൽ എന്ത്‌ സംഭവിച്ചാലും എനിക്കെന്താ ഹേ! ഞാൻ എന്റെ പ്രൊഫൈൽ ഫോട്ടം മാറ്റുന്നു..” ; സ്വന്തം കാര്യം നോക്കുന്ന സിനിമാ പ്രവര്‍ത്തകര്‍ക്ക് നേരെ പരിഹാസവുമായി സയനോര

കൊച്ചിയില്‍ നടി ആക്രമിക്കപ്പെട്ട കേസില്‍ പ്രതികരണവുമായി ഗായിക സയനോര. സഹപ്രവര്‍ത്തകയ്ക്ക് നേരെ ക്രൂരമായ ആക്രമണം നടന്നിട്ടും കേസില്‍ ദിലീപിനെ അറസ്റ്റ് ചെയ്തിട്ടും പ്രതികരിക്കാതെ സ്വന്തം കാര്യം നോക്കുന്ന സിനിമാ പ്രവര്‍ത്തകരെ സയനോര തന്റെ ഫേസ്ബുക്ക് പേജിലൂടെ പരിഹസിക്കുന്നു. ഇത്രയും വലിയ സംഭവങ്ങള്‍ നടന്നിട്ടും അത് ഗൌനിക്കതെ സ്വന്തം പ്രമോഷനിലും നേട്ടത്തിലും മാത്രം ശ്രദ്ധനല്‍കുന്നവര്‍ക്കെതിരെയാണ് സയനോരയുടെ ഈ പോസ്റ്റ്.

ഇന്നാട്ടിൽ എന്ത്‌ സംഭവിച്ചാലും എനിക്കെന്താ ഹേ! ഞാൻ എന്റെ പ്രൊഫൈൽ ഫോട്ടം മാറ്റുന്നു, ഞാൻ എന്റെ സിൽമേന്റെ പോസ്റ്റർ ഇടുന്നു.. ഞാൻ എന്റെ സിൽബന്തികളുടെ സിൽമേന്റെം ഫോട്ടം ഇടുന്നു..വിദേശത്ത്‌ പോവുമ്പൊ ബിസിനെസ്സ്‌ ക്ലാസ്സിൽ ആണെന്നുളളത്‌ നാട്ടാരെ അറിയിക്കുന്നു. ഞാൻ ചുറ്റിലും നടക്കുന്ന ഇത്തരം ചീപ്‌ കാര്യങ്ങളിൽ തല ഇടുന്ന ഒരാൾ അല്ല. എനിക്കു ആരോടും ഒരു ദേഷ്യവും ഇല്ല .. സ്നേഹവും ലവലേശം ഇല്ല.എനിക്ക്‌ ഇങ്ങനെ ഈ മോന്തയിൽ പറ്റി ഇരിക്കുന്ന ഈ കപട ചിരിയും അങ്ങനെ ഇളിച്ചു കാട്ടി സെൽഫിയും എടുത്ത്‌ ഇങ്ങനെ ഒക്കെ പോയാ മാത്രം മതി എന്റെ ദൈവങ്ങളേ.

(സിനിമ തന്നെ ജീവിതം ആക്കുന്ന ചിലരെ ഒക്കെ കാണുമ്പോൾ നല്ല രസം ഇണ്ട്‌ ..)