ദിലീപിനെ കണ്ടത് സഹോദരനെപ്പോലെ, തെറ്റുകാരനാണെന്ന് അറിഞ്ഞപ്പോള്‍ അപലപിച്ചു : മുകേഷ്

സഹോദരനെ പോലെ ദിലീപിനെ കണ്ടിരുന്നു, വിശ്വസിച്ചു പോയി. തെറ്റുകാരനെന്ന് അറിഞ്ഞപ്പോള്‍ അപലപിച്ചുവെന്നും മുകേഷ്. തനിക്കെതിരായ പ്രതിഷേധത്തിന് പിന്നില്‍ രാഷ്ട്രീയമാണ്. സുനില്‍കുമാര്‍ ക്രിമിനലാണെന്ന് അറഞ്ഞിരുന്നില്ലെന്നും അമിത വേഗത്തെ തുടര്‍ന്നാണ് സുനിലിനെ തന്റെ ഡ്രൈവര്‍ സ്ഥാനത്തു നിന്നും മാറ്റിയതെന്നും നടനും എംഎല്‍എയുമായ മുകേഷ്. സംഭവത്തിനു ശേഷം നടിയെ വിളിച്ച് അനുഭാവം അറിയിച്ചിരുന്നുവെന്നും പരാതിയോ സംശയമോ ഉണ്ടോ എന്ന നടിയോട് ചോദിച്ചപ്പോള്‍ ഇല്ല, എന്ന മറുപടിലാണ് ലഭിച്ചതെന്നും മുകേഷ് കൂട്ടിച്ചേര്‍ത്തു.