മമ്മൂട്ടിയുടെ വില്ലനായി കാലകേയന്‍

മമ്മൂട്ടിയുടെ പുതിയ സിനിമ ബാംഗ്ലൂരില്‍ ചിത്രീകരണം പുരോഗമിക്കുകയാണ്. പൂര്‍ണമായും ജയില്‍ പശ്ചാത്തലത്തില്‍ ഒരുങ്ങുന്ന സിനിമയുടെ പേര് പരോള്‍ എന്നാണ്. മമ്മൂട്ടി ഒരു തടവുപുള്ളിയായി അഭിനയിക്കുന്നു.

ശരത് സന്ദിത് സംവിധാനം ചെയ്യുന്ന ഈ സിനിമയിലെ പ്രധാനവില്ലന്‍ തെലുങ്ക് താരം പ്രഭാകറാണ്. എന്നുപറയാന്‍ വരട്ടെ. ബാഹുബലി ഒന്നാം ഭാഗത്തിലെ കാലകേയ രാജാവിനെ ഓര്‍മ്മയില്ലേ? കിലികി ഭാഷ സംസാരിച്ചുകൊണ്ട് ബാഹുബലിയെ ആക്രമിക്കുന്ന അതിക്രൂരനായ കാലകേയനെ ഗംഭീരമാക്കിയ പ്രഭാകര്‍ തന്നെയാണ് പരോളില്‍ മമ്മൂട്ടിയുടെ വില്ലനാകുന്നത്. മിയ നായികയാകുന്ന സിനിമയുടെ തിരക്കഥ അജിത് പൂജപ്പുര. ജെ ആന്‍റ് ജെ പ്രൊഡക്ഷന്‍സാണ് ചിത്രം നിര്‍മ്മിക്കുന്നത്.