സംവിധായകനും ,ചലച്ചിത്ര അക്കാദമി മുന്‍ ചെയര്‍മാനുമായ കെ ആര്‍ മോഹനന്‍

ചലച്ചിത്ര അക്കാദമിയുടെ മുന്‍ ചെയര്‍മാനും ഐഎഫ്എഫ്‌കെയുടെ മുന്‍ ഡയറക്ടറുമായിരുന്നു സംവിധായകന്‍ കെ.ആര്‍ മോഹനന്‍ അന്തരിച്ചു. പൂനെ ഫിലിം ഇന്‍സ്റ്റിറ്റിയൂട്ടില്‍ നിന്നും ബിരുദം നേടിയ കെ.ആര്‍ മോഹനന്‍ 1975ല്‍ അശ്വത്ഥാമ എന്ന ചിത്രത്തലൂടെയാണ് സിനിമയില്‍ എത്തുന്നത്. മാടമ്പ് കുഞ്ഞുക്കുട്ടന്റെ നോവലിനെ അടിസ്ഥാനമാക്കി നിര്‍മ്മിച്ച ചിത്രത്തിന് ആ വര്‍ഷത്തെ മികച്ച ചിത്രത്തിനുള്ള സംസ്ഥാന പുരസ്‌കാരം ലഭിച്ചു. 1987ല്‍ പുറത്തിറങ്ങിയ പുരുഷാര്‍ത്ഥവും മികച്ച ചിത്രത്തിനുള്ള സംസ്ഥാന പുരസ്‌കാരം നേടി. 1992ല്‍ സ്വരൂപം എന്ന ചിത്രം സംവിധാനം ചെയ്തു. ഇതിന് പുറമെ നിരവധി ഡോക്യുമെന്ററികളും ഹ്രസ്വചിത്രങ്ങളും സംവിധാനം ചെയ്തിട്ടുണ്ട്.