ഇനി ആരു നോക്കും കോഴിവില

കൊച്ചി : ബിഫ് നിരോധനത്തിന്റെ പേരില്‍ ഇറച്ചി വില കുതിച്ചുയര്‍ന്ന് സംസ്ഥാനത്ത് പത്ത് ദിവസം കഴിഞ്ഞാല്‍ ഇറച്ചിക്കോഴി വിലയില്‍ വരുന്ന വ്യ്താസം ആരും പരിശോധിക്കും എന്ന കാര്യത്തില്‍ ആശങ്ക . നലവിലെ മാര്‍ക്കറ്റ് വിലയെ അടിസ്ഥാമാക്കിയാല്‍ ജൂലൈ ഒന്നുമുതല്‍ കിലോഗ്രാമിന് 25 രൂപയുടെ കുറവെങ്കിലും ഉണ്ടാകണം.

ഉപഭോക്തൃ സംസ്ഥാനമായ കേരളത്തിന് ഇഷ്ട വിഭവമായ കോഴിയിറച്ചി അന്യ സംസ്ഥാനത്തുനിന്ന് കൊണ്ടുവരുമ്പോള്‍ 14.5 ശതമാനം വാറ്റ് നിലവിലുണ്ട്. ജി.എസ്.ടി നടപ്പാക്കുമ്പോള്‍ ഇറച്ചിക്കോഴിക്കുളള നികുതി ഇല്ലാതാകും. അതാണ് വില കുറയ്ക്കുന്നത്.എന്നാല്‍ ഇക്കാര്യം എങ്ങനെ നിരീക്ഷിക്കും എന്ന കാര്യത്തില്‍ ഒരു മാനദണ്ഡവും ഇല്ല.

സംസ്ഥാനത്തിന് കോടികളുടെ നികുതി നഷ്ടം ഉണ്ടാക്കുന്ന ഈ നടപടിയുടെ ഗുണംമൂലം ലഭിക്കുന്ന ലാഭം പൂര്‍ണ്ണമായും തമിഴ്‌നാട് ഗ്രൂപ്പുകളുടെ കയ്യിലേക്ക് ഒഴുകുന്ന സ്ഥിതിയാണ് കാണുന്നത്.

ഒരു മാനദണ്‌വുമില്ലാതെയാണ് നിലവില്‍ ഇറച്ചിക്കോഴിയുടെ വില നിശ്ചയിക്കുന്നത് . രാവിലെ എത്തുന്ന ലോറ ഡ്രൈവര്‍ നല്‍കുന്ന കുറിച്ചിലാണ് പ്രതിദിനം കോടികളുടെ വ്യാപാരം നടക്കുന്ന മേഖലയിലെ വില. ജി എസ് ടി വരുമ്പോള്‍ ഒരു നിയന്ത്രണവും ഇല്ലാത്ത മേഖലയായി ഇതു മാറുന്ന സ്ഥിതിയാണ് വരുന്നത്. അതുപോലെ ജി.എസ്.ടി നടപ്പാകുന്നതോടെ ഗതാഗത സേവനങ്ങള്‍ ചെലവു കുറഞ്ഞതാകും. ഒല, യൂബര്‍ കാര്‍ സര്‍വീസുകള്‍ നിരക്ക് കുറയ്‌ക്കേണ്ടതുണ്ട്. ഇത് കേരളത്തിലെ മറ്റ് ടാക്‌സി സര്‍വ്വീസുകള്‍ക്ക് ബാധകമാവുമോ എന്ന കാര്യത്തില്‍ തീരുമാനം വന്നിട്ടില്ല.

കര്‍ക്കിടമാസത്തിലെ ചികിത്‌സയ്ക്ക് വിലകൂട്ടുകയാണ് പുതിയ നികുതി . കാരണം നിലവില്‍ ആയുര്‍വേദ മരുന്നുകളുടെ നികുതി ഏഴു ശശതമാനം വരെയാണ്. ജി.എസ്.ടി വരുന്നതോടെ നികുതി നിരക്ക് 12 ശതമാനമായി ഉയരും.ജി.എസ്.ടി പൊതുവില്‍ എഫ്.എം.സി.ജി മേഖലക്ക് ഗുണകരമാണ്. ജി.എസ്.ടി സ്ലാബ് 4 ലാണ് (18 ശതമാനം നികുതി) കണ്‍സ്യൂമര്‍ ഉല്‍പ്പന്നങ്ങളില്‍ അധികവും വരുന്നത്. നിലവില്‍ കണ്‍സ്യൂമര്‍ ഉല്‍പ്പന്നങ്ങളില്‍ പലതിനും വാറ്റ് 14 ശതമാനവും എക്‌സൈസ് ഡ്യൂട്ടി 15 ശതമാനവുമാണ് ചുമത്തുന്നത്. പ്രാരംഭ ഘട്ടത്തിലെ അവ്യക്തതകളും ആശങ്കകളുമൊഴിച്ചാല്‍ സംഗതി നേരെ ആകും എന്നാണ് വിശ്വാസം സ്വര്‍ണത്തിന്റെ ചരക്ക് സേവന നികുതി മൂന്നു ശതമാനമായി നിശ്ചയിച്ചതോടെ പവന് 600 രൂപ വരെ ഉയര്‍ന്നേക്കും.