ഉമ്മന്‍ ചാണ്ടി ഇന്നു വരില്ല ,പക്ഷെ അദ്ദേഹം വരും വന്നു കാണും യാത്ര ചെയ്യും

കൊച്ചി മെട്രോയ്ക്കു വേണ്ടി ഏറെ നാള്‍ കിണഞ്ഞു പരിശ്രമിച്ച മുന്‍മുഖ്യമന്ത്രി ഉമ്മന്‍ ചാണ്ടി ഇന്നത്തെ ഉദ്ഘാടന ചടങ്ങില്‍ പങ്കെടുക്കില്ല.മറ്റൊരു ചടങ്ങില്‍ പങ്കെടുക്കാനുണ്ടെന്നായിരുന്നു ഇതേക്കുറിച്ചുള്ള മാധ്യമപ്രവര്‍ത്തകരുടെ ചോദ്യത്തിന് മറുപടി പറഞ്ഞത്.എന്നാല്‍ തൊട്ടടുത്ത ദിനം തന്നെ മെട്രോ യാത്രയ്ക്ക് അദ്ദേഹമെത്തുമെന്നറിയിച്ചു

. ഉദ്ഘാടന ചടങ്ങിലേക്ക് തന്നെ ക്ഷണിക്കാത്തതില്‍ പരാതിയില്ല. വിവാദങ്ങളല്ല, മറിച്ച് റിസള്‍ട്ടാണ് പ്രധാനം. കേരളം മനസ്സുവച്ചാല്‍ എന്തും സാധിക്കുമെന്നതിന്റെ ഉദാഹരണമാണ് കൊച്ചി മെട്രോയെന്നും ഉമ്മന്‍ചാണ്ടി പറഞ്ഞു.

വിവാദങ്ങളില്‍ കെട്ടുപിണഞ്ഞ കൊച്ചി മെട്രോയെ യാഥാര്‍ഥ്യമാക്കിയത് ഉമ്മന്‍ ചാണ്ടിയുടെ നിശ്ചയദാര്‍ഢ്യമായിരുന്നു. ഇതേക്കുറിച്ച് ഉമ്മന്‍ ചാണ്ടി പറയുന്നതിനിങ്ങനെ. ഡല്‍ഹിയില്‍ തന്നെ കാണാനെത്തിയ ഇ ശ്രീധരന്‍ മെട്രോ യാത്രയ്ക്ക് ക്ഷണിച്ചു. ഡല്‍ഹി മെട്രോയിലെ യാത്ര പൂര്‍ത്തിയാക്കും മുമ്പ് തന്നെ ഇത് കേരളത്തിനും വരണമെന്ന് ആഗ്രഹിച്ചു, തീരുമാനിച്ചു. ഇപ്പോള്‍ ഇത് യാഥാര്‍ഥ്യമായതില്‍ അതിയായ സന്തോഷം. തൊട്ടടുത്ത ദിവസം തന്നെ മെട്രോയില്‍ യാത്ര ചെയ്യും