പ്രഭാസ് ജീവിതസഖിയെ കണ്ടെത്തി

ബാഹുബലിയിലൂടെ ലോകം കീഴടക്കിയ പ്രഭാസ് പ്രമുഖ തെലുങ്ക് വ്യവസായ കുടുംബത്തില്‍ നിന്ന് വിവാഹം കഴിയ്ക്കുന്നതായി റിപ്പോര്‍ട്ടുകള്‍.അടുത്ത വര്‍ഷം മാര്‍ച്ചോടെ വിവാഹം നടക്കുമെന്നാണ് സൂചന.വധു റാസി സിമന്റ്‌സ് ചെയര്‍മാന്‍ ഭൂപതി രാജയുടെ ചെറുമകളാണെന്നാണ് വാര്‍ത്തകള്‍.എന്നാല്‍ താരമോ കുടുംബമോ ഇതു സംബന്ധിച്ച് ഔദ്യോഗികമായി പ്രതികരിച്ചിട്ടില്ല

ബാഹുബലിയിലൂടെ ജനമനസുകളില്‍ ചിരപ്രതിഷ്ട നേടിയ പ്രഭാസ് 37 കഴിഞ്ഞിട്ടും വിവാഹിതനാകാത്തത് സിനിമാ രംഗത്തെ ചൂടുള്ള വാര്‍ത്തയായിരുന്നു.ബാഹുബലിയില്‍ പ്രഭാസിന്റെ താരജോഡിയായി അസാമാന്യ അഭിനയം കാഴ്ചവെച്ച അനുഷ്‌ക ഷെട്ടിയുമായി താരം പ്രണയത്തിലാണെന്ന വാര്‍ത്തകളും സിനിമാ ഗോസിപ്പ് കോളങ്ങളില്‍ നിറഞ്ഞ#ു നിന്നിരുന്നു.എന്നാല്‍ പ്രഭാസിന്റെ കുടുംബവും അനുഷ്‌ക്കയും ആ വാര്‍ത്ത് പൂര്‍ണമായി തള്ളിക്കളഞ്ഞിരുന്നു.

ബാഹുബലി ഷൂട്ടിംഗിനായി കരിയറിലെ അഞ്ചു വര്‍ഷം നീക്കിവെച്ച പ്രഭാസ് അക്കാലത്ത് മറ്റ് സിനിമകള്‍ക്കൊന്നും ഡേറ്റ് നല്‍കിയിരുന്നില്ല,മാത്രമല്ല അക്കാലത്ത് അദ്ദേഹം വിവാഹത്തേക്കുറിച്ച് ചിന്തിച്ചിരുന്നുമില്ല എന്നാണ് കേള്‍വി.താരജാഡകളില്ലാത്ത പ്രഭാസിന് ബാഹുബലി റിലീസായ ആദ്യ നാളുകളില്‍ ആറായിരത്തിലധികം വിവാഹാലോചനകള്‍ വന്നെന്നും അതൊക്കെ താരം തള്ളിക്കളഞ്ഞെന്നുമാണ് കേള്‍വി. എന്തായാലും പ്രഭാസിന്റെ അടുത്ത ട്രൈലിങ്ക്വല്‍ ചിത്രമായ സാഹോയുടെ ചിത്രീകരണം ജൂലൈയില്‍ തുടങ്ങും.ചിത്രം തീയേറ്ററുകളിലെത്തുമ്പോഴേക്കും താരം വിവാഹിതനാകുമെന്ന വാര്‍ത്തകളാണ് ഇപ്പോള്‍ കേള്‍ക്കുന്നത്.എന്നാല്‍ കത്രീന കൈഫ് നായികയായി എത്തുമെന്ന് പ്രതീക്ഷിച്ചിരുന്ന സഹോയില്‍ അനുഷ്‌ക്ക തന്നെയാണ് നായിക.എന്തായാലും വിവാഹ വാര്‍ത്തയും പ്രഭാസ്-അനുഷ്‌ക്ക പ്രണയവും ഏതാണ് സത്യമെന്ന് ആരാധകര്‍ കാത്തിരിക്കുന്നു