കോടിയേരിയുടെ പട്ടാളവിരുദ്ധ പരാമര്‍ശം ആഘോഷിച്ച്‌ പാക് മാധ്യമങ്ങള്‍

കോടിയേരിയുടെ പട്ടാളവിരുദ്ധ പരാമര്‍ശം ആഘോഷിച്ച്‌ പാക് മാധ്യമങ്ങള്‍. പാക്ക് മാധ്യമങ്ങളില്‍ താരമായി മാറിയിരിക്കുകയാണ് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍. ഇന്ത്യന്‍ പട്ടാളത്തിന് എതു സ്ത്രീയേയും മാനഭംഗപ്പെടുത്താമെന്നും നാലാള്‍ കൂടിയാല്‍ വെടിവച്ചുകൊല്ലാമെന്നും കേരളത്തിലെ കമ്യൂണിസ്റ്റ് നേതാവ് പ്രസംഗിച്ചെന്നാണ് പാക് മാധ്യമമായ ദി എക്‌സ്പ്രസ് ട്രൈബ്യൂണ്‍ റിപ്പോര്‍ട്ട് ചെയ്തത്. കോടിയേരിയുടെ ചിത്രം സഹിതമാണ് റിപ്പോര്‍ട്ട്. ഫെയ്‌സ്ബുക്കിലും മറ്റു സമൂഹമാധ്യമങ്ങളിലും ഈ റിപ്പോര്‍ട്ട് പ്രചരിക്കുന്നുണ്ട്. അതേസമയം, ഇന്ത്യന്‍ സേനയെ അപമാനിച്ചു എന്ന രീതിയില്‍ ചില മാധ്യമങ്ങള്‍ വാര്‍ത്ത പ്രചരിപ്പിക്കുന്നത് തീര്‍ത്തും രാഷ്ട്രീയ ലക്ഷ്യത്തോടെയുള്ള നുണപ്രചാരണമാണെന്ന് കോടിയേരി ബാലകൃഷ്ണന്‍ വ്യക്തമാക്കി.