ഇത് ഭാവനയെ ലക്ഷ്യം വെച്ചോ…?

ആസിഫ് അലിയും ഭാവനയും പ്രധാന കഥാപാത്രങ്ങളെ അവതരിപ്പിച്ച അഡ്‌വെഞ്ചേഴ്‌സ് ഓഫ് ഓമനക്കുട്ടന്‍ എന്ന ചിത്രം തീയറ്ററുകളില്‍ നിന്നും മാറ്റുന്നതായി പരാതി. മികച്ച അഭിപ്രായം നേടി മുന്നേറിയിട്ടും ചിത്രം തീയറ്ററുകളില്‍ നിന്ന് മാറ്റാന്‍ ശ്രമമെന്നാണ് ആരോപണം. ചിത്രത്തിന്റെ സംവിധായകന്‍ രോഹിത്തിന്റെ ഫെയ്‌സ് ബുക്ക് പോസ്റ്റിലൂടെയാണ് സംഭവം പുറം ലോകം അറിഞ്ഞത്.

കാണണമെന്ന് ആഗ്രഹമുള്ളവര്‍ പെട്ടന്ന് കണ്ടോ ഇപ്പോള്‍ തെറിക്കും തീയറ്ററുകളില്‍ നിന്ന്-ഇതായിരുന്നു രോഹിത്തിന്റെ ഫെയ്‌സ്ബുക്ക് പോസ്റ്റ്. നല്ല അഭിപ്രായം നേടിയിട്ടും എന്തുകൊണ്ടാണ് തീയറ്ററുകളില്‍ നിന്നും മാറ്റുന്നതെന്ന് വ്യക്തമല്ലെന്നും സംവിധായകന്‍ പറഞ്ഞു. ടൊറന്റിലൂടെ ഹിറ്റാകേണ്ട സിനിമയല്ല ഓമനക്കുട്ടന്‍ എന്ന് സോഷ്യല്‍ മീഡിയയും അഭിപ്രായപ്പെടുന്നു. സംവിധായകന് പിന്തുണയുമായി നിരവധി പേര്‍ രംഗത്ത് വന്നിട്ടുണ്ട്.