നീലക്കടലു പോലെ ഐശ്വര്യ റായിയെ സിന്‍ഡ്രല്ല ആക്കിയതാര്?

കാനിലെ ചുവപ്പു പരവതാനിയില്‍ ഐശ്വര്യറായി അഴകായി ഒഴുകുകയായിരുന്നു.ഇളം നീല നിറത്തില്‍ നെയ്‌തെടുത്ത സിന്‍ഡ്രല്ല ഗൗണില്‍ അവര്‍ തിളങ്ങിയതിനു പിന്നിലെ കരങ്ങള്‍ ദുബായിലെ ഫിലിപ്പിനെ ഡിസൈനര്‍ മൈക്കിള്‍ സിന്‍കോയുടേതാണ്.പതിനഞ്ചാമത്തെ വര്‍ഷമാണ് തുടര്‍ച്ചയായി ഐശ്വര്യ കാന്‍ ചലച്ചിത്ര മേളയില്‍ പങ്കെടുക്കുന്നത്.നിലത്തൊഴുകി കിടക്കുന്ന രീതിയിലാണ് ഗൗണ്‍ നെയ്‌തെടുത്തിരിക്കുന്നത്.

ലൂയി നാലാമന്‍ രാജാവിന്റെ രാജ്ഞിയായിരുന്ന ഇന്‍ഫാന്റാ മരിയ തേരേസയുടെ പെയിന്റിംഗ് ശേഖരത്തിലെ ചിത്രങ്ങളാണ് ഐശ്വര്യയയുടെ മനം മയക്കുന്ന ഗൗണിനു പിന്നിലെ രഹസ്യം.ആ ചിത്രങ്ങളില്‍ നിന്നാണ് ഡിസൈനര്‍ പുതിയ രൂപം ഉള്‍ക്കൊണ്ടത്.2002 ദേവ്ദാസ് വന്നതിനു ശേഷമാണ് ഐശ്വര്യ ആദ്യം കാനില്‍ പ്രത്യക്ഷപ്പെട്ടത്.അന്നാദ്യമായാണ് ഒരിന്‍ഡ്യന്‍ സിനിമ കാനില്‍ പ്രദര്‍ശിപ്പിച്ചത്.പിന്നീട് ജൂറി അംഗമായും ഐശ്വര്യ കാനില്‍ പങ്കെടുത്തു.ഇപ്പോളിതെനിക്കൊരു കുടുംബകാര്യമാണെന്നാണ് കാനില്‍ അഭിപ്രായപ്പെട്ടത്.