എബിയിലെ നായിക മറീനയെ തട്ടിക്കൊണ്ടു പോകാന്‍ ശ്രമം

മോഡലിങിന്റെ മറവില്‍ നടി മറീന മൈക്കിളിനെ തട്ടിക്കൊണ്ടു പോകാന്‍ ശ്രമിച്ചതായി പരാതി. പ്രശസ്ത ജൂവലറിയുടെ ഫോട്ടോഷൂട്ടിനാണെന്ന് പറഞ്ഞാണ് ഒരാള്‍ നടിയെ സമീപിച്ചത്. പരിചയക്കാര്‍ വഴി വന്ന ഓഫര്‍ ആയതിനാലും വിശ്വസനീയമായ സമീപനം കൊണ്ടും ഷൂട്ടിന് സമ്മതിച്ചു. ഷൂട്ടിനെക്കുറിച്ചുള്ള പൂര്‍ണ്ണ വിവരങ്ങള്‍ നല്‍കണമെന്നും അയാളോട് ആവശ്യപ്പെട്ടിരുന്നു. എന്നാല്‍ ഷൂട്ടിങ് ദിവസം അടുത്തപ്പോള്‍ പോലും ലൊക്കേഷന്‍ പറയാതെ ഇയാള്‍ ഒഴിഞ്ഞു മാറുകയായിരുന്നു.

സംശയം തോന്നിയതോടെ ജൂവലറിയില്‍ നേരിട്ട് വിളിച്ച് അന്വേഷണം നടത്തി. ഇങ്ങനെയൊരു ഫോട്ടോ ഷൂട്ട് ഇല്ലെന്നും ഇതേക്കുറിച്ച് അറിവില്ലെന്നും അവര്‍ അറിയിച്ചു.സംഭവത്തിനെതിരെ നിയമ നടപടിയുമായി മുന്നോട്ട് പോവുകയാണെന്നും മറീന ഒരു മാധ്യമത്തോട് വെളിപ്പെടുത്തി.