വടവാങ്ങിയതിന്റെ പേരില്‍ അരുംകോല

വടവാങ്ങിയതിനെ ചൊല്ലിയുള്ള തര്‍ക്കത്തെ തുടര്‍ന്ന് ഹോട്ടലുടമ കുത്തേറ്റു മരിച്ചു.വൈറ്റില ജൂനിയര്‍ ജനതാ റോഡ് മംഗലപ്പള്ളി വീട്ടില്‍ എം ജെ ജോണ്‍സണ്‍(48)ആണ് മരിച്ചത്.പ്രതി ഇടുക്കി പുളിയന്‍മല പരുത്തിക്കാട്ടില്‍ പിഎസ് രതീഷ്(27)നെ പൊലീസ് തിരയുന്നു.മദ്യ ലഹരിയിലാണ് കൃത്യം നിര്‍വ്വഹിച്ചതെന്ന് പൊലീസ് പറഞ്ഞു. ജോണ്‍സണ്‍ന്റെ ഹോട്ടലിനു സമീപം താമസിക്കുന്ന ടാക്‌സി ഡ്രൈവറായ രതീഷിനെ ഇയാള്‍ക്കു മുന്‍പരിചയമുണ്ട്.ഇന്നലെ ഉച്ചയ്ക്കു ഊണു സമയത്ത് രതീഷ് ഹോട്ടലിലെത്തി കഴിക്കാന്‍ വട തരണമെന്നാവശ്യപ്പെട്ടു.എന്നാല്‍ വട നല്‍കിയെങ്കിലും അത് മോശമാണെന്ന് പറയുകയും ജോണ്‍സണെ കളിയാക്കാന്‍ ശ്രമിക്കുകയും ചെയ്തു.സംഭവത്തേ തുടര്‍ന്ന് കടയില്‍ നിന്ന് രതീഷ് പുറത്തു പോകണമെന്ന് ജോണ്‍സണ്‍ പറഞ്ഞു.രതീഷ് ഉടനെ കടയില്‍നിന്നിറങ്ങി പോയി.

രണ്ടരയോടെ പുറത്തു പോയ ജോണ്‍സണ്‍ മടങ്ങിവരും വഴി രതീഷ് വഴിയില്‍ തടയുകയും കഴുത്തിന് കുത്തുകയും ചെയ്തു.ആളുകള്‍ ഓടിക്കൂടിയപ്പോഴേക്കും പ്രതി ഓടി മറഞ്ഞിരുന്നു.ഇയാള്‍ മദ്യലഹരിയില്‍ കത്തിയുമായാണ് ജോണ്‍സണെ കാത്തു നിന്നത്.ഗുരുതരമായി പരിക്കേറ്റ ഇയാളെ അടുത്ത സ്വകാര്യ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല,