പ്രഭാസ് അനുഷ്‌ക്കയ്ക്കു സ്വന്തമാകുമോ?

ബാഹുബലി ദേവസേനയ്ക്കു സ്വന്തമാകുമോ?അതോ ഇരുവരുടെയും വിവാഹ വാര്‍ത്ത വെറും കെട്ടു കഥയോ?നിരവധി തെലുങ്കു സിനിമകളില്‍ ജോഡികളായി അഭിനയിക്കുകയും ബാഹുബലിയിലൂടെ ലോകം മുഴുവന്‍ പ്രണയ ജ്വാല ജ്വലിപ്പിക്കുകയും ചെയ്ത പ്രഭാസ്-അനുഷ്‌ക്കയെ സ്വന്തമാക്കുമോ?ഇന്‍ഡ്യന്‍ സിനിമാ പ്രേമികളുടെ വലിയ ആശങ്കകളിലൊന്നാണിത്.

നടന്‍ പ്രഭാസുമായി നടി പ്രണയത്തിലാണെന്നും വിവാഹം ഉടന്‍ ഉണ്ടാകുമെന്നും തെലുങ്ക് മാധ്യമങ്ങളില്‍ വാര്‍ത്തയും വന്നു. അനുഷ്‌കയുടെ ഔദ്യോഗികവൃത്തങ്ങളില്‍ നിന്നാണ് ഈ വാര്‍ത്ത വന്നതെന്നായിരുന്നു റിപ്പോര്‍ട്ട്. നേരത്തെയും പല നടന്മാരും സംവിധായകരുമായി ബന്ധപ്പെട്ട് വ്യാജവാര്‍ത്തകള്‍ വന്നിട്ടുണ്ടെങ്കിലും ഇത്തവണ മാധ്യമങ്ങള്‍ ഒന്നടങ്കം അത് ഏറ്റെടുക്കുകയായിരുന്നു. തന്റെ പേര്‍സനല്‍ അസിസ്റ്റന്റ് തന്നെയാണ് മാധ്യമങ്ങള്‍ക്കായി വാര്‍ത്ത ചോര്‍ത്തിക്കൊടുക്കുന്നതെന്ന് അറിഞ്ഞ നടി. തെറ്റായ വാര്‍ത്ത പ്രചരിപ്പിച്ചതിന് നടി ഉടന്‍ തന്നെ ജീവനക്കാരനെ പിരിച്ചുവിട്ടു.