ലെസ്ബിയന്‍ പ്രണയ കഥയുടെ പ്രകാശനത്തിന് സെന്റ് തെരേസാസ് കൊളേജ് തയ്യാറല്ല

ലെസ്ബിയന്‍ പ്രണയ കഥ പറയുന്ന ശ്രീപാര്‍വ്വതി എഴുതിയ മീനുകള്‍ ചുമ്പിക്കുന്നു എന്ന പുസ്തകത്തിന്റെ പ്രകാശന ചടങ്ങ് കൊളേജ് ഓഡിറ്റോറിയത്തില്‍ നിന്ന് ഒഴിവാക്കിയതായി സെന്റ് തെരേസാസ് കൊളേജ് അധികൃതര്‍.മെയ് 14 ന് കൊളേജ് ഓഡിറ്റോറിയം ചടങ്ങിന് വിട്ടു നല്‍കാമെന്ന് എഴുത്തുകാരിയെ അറിയിച്ചിരുന്നതാണ്.എന്നാല്‍ പുസ്തകത്തിന്റെ ഉള്ളടക്കം ലെസ്ബിയന്‍ പ്രണയമാണെന്നറിഞ്ഞതോടെ കൊളേജ് ചടങ്ങിന് ഓഡിറ്റോറിയം വിട്ടു നല്‍കാനാകില്ലെന്നറിയിച്ചതായി ന്യൂസ് മിനിറ്റ് റിപ്പോര്‍ട്ടു ചെയ്യുന്നു.

എന്നാല്‍ വനിതകള്‍ പഠിപ്പിക്കുകയും പെണ്‍കുട്ടികള്‍ പഠിക്കുകയും ചെയ്യുന്ന കൊളേജില്‍ ലെസ്ബിയന്‍ കഥ പറയുന്ന പുസ്തകം പ്രകാശനം ചെയ്യുന്നതിനെ അധികൃതര്‍ എന്തിനാണ് പേടിക്കുന്നതെന്ന് ശ്രീപാര്‍വ്വതി ചോദിക്കുന്നു.ഓഡിറ്റോറിയം അറ്റകുറ്റപ്പണികള്‍ക്കായി സജ്ജീകരിച്ചിരിക്കുന്നതിനാലാണ് വിട്ടു നല്‍കാനാകത്തതെന്നാണ് കൊളേജ് അധികൃതരുടെ നിലപാട്.പ്രകാശന ചടങ്ങ് കൊളേജിനടുത്തുള്ള കുട്ടികളുടെ തീയേറ്ററില്‍തന്നെ നടക്കു. എഴുത്തുകാരിയും സ്വതന്ത്ര പത്രപ്രവര്‍ത്തകയുമാണ് ശ്രീപാര്‍വ്വതി.