ബാഹുബലി2 വിന്റെ ആദ്യ റിവ്യു എത്തി

സിനിമയെ സ്‌നേഹിക്കുന്ന എല്ലാ ഇന്ത്യാക്കാരും ഒരുപോലെ കാത്തിരുന്ന ചിത്രമായിരുന്നു രാജമൗലിയുടെ ബാഹുബലി2 . യു.എ.ഇ സെന്‍സര്‍ ബോര്‍ഡ് അംഗമായ ഉമൈര്‍ സന്തു ചിത്രത്തിന്റെ റിവ്യു തന്റെ ബ്ലോഗിലൂടെ പുറത്ത് വിട്ടിരിക്കുകയാണ്. ബാഹുബലിയുടെ ഗ്രാഫിക്‌സും വിഷ്വല്‍ ഇഫക്ടും മെല്ലാം വളരെ വളരെ മികച്ചതാണെന്ന് ഉമൈര്‍ തന്റെ ബ്ലോഗില്‍ കുറിക്കുന്നു.

ഹോളിവുഡിലെ മികച്ച ചിത്രങ്ങളുടെ ഗണത്തില്‍പ്പെടുന്ന ലോര്‍ഡ് ഓഫ് റിങ്‌സ്, ഹാരി പോര്‍ട്ടര്‍ തുടങ്ങിയ ചിത്രങ്ങളുടെ ദൃശ്യവല്‍ക്കരണത്തോട് ഏറ്റ് മുട്ടാന്‍ തക്ക കരുത്തുള്ള സിനിമയാണ് ബാഹുബലി 2 എന്ന് അദ്ദേഹം അഭിപ്രായപ്പെടുന്നു. ഇന്ത്യയ്ക്ക് സിനിമയുടെ മികച്ച പ്രകടനമാണ് ഈ ചിത്രത്തിലൂടെ കാണാന്‍ സാധിക്കുന്നത്. ഇതിന്റെ പിന്നണി പ്രവര്‍തതരുടെ മികവുറ്റ പ്രകടനത്തിന്റെ പ്രതിഫലനമാണ് ഈ ചിത്രത്തിന് ഇത്രയും മികവ് പുലര്‍ത്താന്‍ കഴിഞ്ഞതെന്നും അദ്ദേഹം കുറിക്കുന്നു.