ചുമ്മാ വിടമാട്ടെ.. കാലില്‍ വീണ് മാപ്പുപറയണം.’ : പെമ്പിളൈ ഒരുമൈ

മൂന്നാറില്‍ മന്ത്രി എം എം മണിയ്‌ക്കെതിരെ പൊമ്പിളൈ ഒരുമൈ പ്രവര്‍ത്തകര്‍ നടുറോഡില്‍ കുത്തിയിരുന്ന് പ്രതിഷേധിക്കുന്നു. വനിതാ പ്രവര്‍ത്തകരെ അറസ്റ്റു ചെയ്യാന്‍ പോലീസ് ശ്രമിച്ചുവെങ്കിലും നാട്ടുകാര്‍ ഇടപെട്ട് അറസ്റ്റു നീക്കം തടഞ്ഞു. സ്ത്രീ വോട്ടു നേടി ജയിച്ചിട്ട് സ്ത്രീകളെ അപമാനിക്കുന്ന നടപടിയാണ് മണിയുടെ ഭാഗത്തു നിന്നും ഉണ്ടായതെന്നും പാവം തൊഴിലാളി സ്ത്രീകളെ അപമാനിച്ചതില്‍ മാപ്പു പറയണമെന്നും പ്രതിഷേധക്കാര്‍ പറയുന്നു.

മന്ത്രി മണി മാപ്പ് പറയുന്നത് വരെ സമരം തുടരുമെന്ന് പൊമ്പിളൈ ഒരുമൈ നേതാവ് ഗോമതി പറഞ്ഞു. മന്ത്രി നേരിട്ടെത്തി മാപ്പ് പറയണമെന്നാണ് ആവശ്യം. പാവപ്പെട്ട തോട്ടം തൊഴിലാളികളെ അപമാനിക്കുന്ന പരാമര്‍ശമാണ് മന്ത്രി നടത്തിയതെന്ന് ഗോമതി പറഞ്ഞു. തൊഴിലാളികളെക്കുറിച്ച് പറയാന്‍ മണിക്ക് യോഗ്യതയില്ല. സ്ത്രീത്വത്തെ അപമാനിക്കുകയാണ് എം.എം മണി ചെയ്തതെന്നും ഗോമതി കൂട്ടിച്ചേര്‍ത്തു.

'എം.എം മണി, ഇന്ത ടൗണില് പബ്ലികാ വന്ന് എങ്കളെ കാലില് വീണ് മാപ്പു പറയണം. ചുമ്മാ വിടമാട്ടെ.. കാലില്‍ വീണ് മാപ്പുപറയണം.' പെമ്പിളൈ ഒരുമൈ നേതാവ് ഗോമതി മാധ്യമങ്ങളോട് പറഞ്ഞു. പൂച്ച പഴയ നമ്മുടെ പൂച്ച അന്ന് സര്‍ക്കാര്‍ ഗസ്റ്റ് ഹൗസില്‍ കുടിയും സകല പരിപാടികളുമായിരുന്നു. പൊമ്പിളൈ ഒരുമൈ അവരും കുടിയും സകല പരിപാടികളുമായി നടന്നിരുന്നു. സമരസമയത്ത് അവിടെ കാട്ടിലായിരുന്നു പരിപാടി. ഒരു ഡി.വൈ.എസ്.പിയുമുണ്ടായിരുന്നു. എന്ന ദ്വയാര്‍ത്ഥ പരാമര്‍ശം കൊണ്ടാണ് എം.എം മണി പൊമ്പിളൈ ഒരുമൈയെ അധിക്ഷേപിക്കുന്നത്. ഇതിനെതിരെയാണ് പൊമ്പിളൈ ഒരുമൈ സമരവുമായി രംഗത്തെത്തിയിരിക്കുന്നത്.