മുനീറിനെ വെട്ടും ലീഡര്‍ പിന്നീട്

മുസ്ലിം ലീഗിന്റെ പാര്‍ലമെന്ററി പാര്‍ട്ടി നേതാവ് സ്ഥാനത്ത് എം ക എ മുനീര്‍ എത്തുന്നത് തടയാന്‍ പാര്‍ട്ടിക്കിടയില്‍ നീക്കം സജീവമായി. പുതിയ നിയമസഭാ കക്ഷി നേതാവിനെ നിശ്ചയിക്കാന്‍ ലീഗിന്റെ പാര്‍ലമെന്ററി ബോര്‍ഡ് യോഗം 22നു പാണക്കാട്ട് ചേരും ഇതിലാണ് ഇതു സംബന്ധിച്ച് ധാരണ ഉണ്ടാവേണ്ടത്.

എന്നാല്‍ കുഞ്ഞാലിക്കുട്ടി അടക്കമുള്ള മുതിര്‍ന്ന നേതാക്കള്‍ മുനിറിലേക്ക് പാര്‍ട്ടിയുടെ കേരള അധികാരം പോകുന്നതിന് താല്‍പര്യമുള്ളവരല്ല, തങ്ങളുടെ വിശ്വസ്ഥനെ മങ്കടയില്‍ മല്‍സരിപ്പിച്ച് ജയിപ്പിച്ച ശേഷം പാര്‍ലമെന്ററി പാര്‍ട്ടി ലീഡറെ തിരഞ്ഞെടുത്താല്‍ മതിയെന്ന നിലപാടിലാണ് കുഞ്ഞാലിക്കുട്ടി അനുകൂലികള്‍ .

ദേശീയ ഓര്‍ഗനൈസിങ് സെക്രട്ടറി ഇ.ടി.മുഹമ്മദ് ബഷീര്‍, സംസ്ഥാന ജനറല്‍ സെക്രട്ടറി കെ.പി.എ.മജീദ്, ദേശീയ ട്രഷറര്‍ പി.വി.അബ്ദുല്‍ വഹാബ്, ജില്ലാ പ്രസിഡന്റ് പാണക്കാട് സാദിഖലി ശിഹാബ് തങ്ങള്‍ എന്നിവരും കുഞ്ഞാലിക്കുട്ടിയും യോഗത്തില്‍ പങ്കെടുക്കും. ഈ യോഗത്തില്‍ തന്നെ ലീഡര്‍ വേണമെന്ന വാദം ഉയര്‍ന്നാല്‍ പരിചയസമ്പന്നരായ വി.കെ.ഇബ്രാഹിംകുഞ്ഞ്, എം.ഉമ്മര്‍, പി.കെ.അബ്ദുറബ്ബ് എന്നിവരുടെ പേരുകള്‍ ഉയര്‍ത്തും.

ജയ പ്രതീക്ഷയുള്ള സീറ്റില്‍ കണ്ണും നട്ട് ധാരാളം പേര്‍ എത്തിയിരിക്കുന്നതിനാല്‍ വേങ്ങര ഉപതിരഞ്ഞെടുപ്പില്‍ ആരെ സ്ഥാനാര്‍ഥിയാക്കണമെന്നു തീരുമാനിക്കാനുള്ള ഔദ്യോഗിക യോഗം തിരഞ്ഞെടുപ്പ് തീയതി പ്രഖ്യാപിച്ച ശേഷമേ ഉണ്ടാവുകയുള്ളൂ. എംപിയായി തിരഞ്ഞെടുക്കപ്പെട്ട പി.കെ.കുഞ്ഞാലിക്കുട്ടി 21ന് എംഎല്‍എ സ്ഥാനം രാജിവയ്ക്കും.