മലപ്പുറം ഉപതിരഞ്ഞെടുപ്പ്: 71.50 ശതമാനം പോളിംഗ്

മലപ്പുറം ഉപതിരഞ്ഞെടുപ്പില്‍ 71.50 ശതമാനം പോളിംഗ്. കഴിഞ്ഞ തിരഞ്ഞെടുപ്പിലെ 71.26 മറികടന്നാണ് ഉപതിരഞ്ഞെടുപ്പില്‍ മലപ്പുറം ലോക്‌സഭാ മണ്ഡലം മികച്ച പോളിംഗ് കുറിച്ചത്. വോട്ടിംഗ് യന്ത്രം തകരാറിലായതിനാല്‍ ചിലയിടങ്ങളില്‍ പോളിംഗ് വൈകിയതൊഴിച്ചാല്‍ തികച്ചും സമാധാനപരമായാണ് വോട്ടെടുപ്പ് നടന്നത്. ഏഴു മണിക്ക് ആരംഭിച്ച പോളിംഗിലെ ആദ്യ മണിക്കൂറില്‍ നല്ല തിരക്ക് ഉണ്ടാകുകയും പിന്നാലെ തിരക്ക്് കുറയുകയും ചെയ്തു. അതേസമയം ഉച്ചയോടെ വീണ്ടും തിരക്ക് കൂടുകയും ചെയ്തു.

കൂടുതല്‍ പോളിംഗ് കൊണ്ടോട്ടിയിലാണ് രേഖപ്പെടുത്തിയത്. 71.5 ശതമാനമാണ് കൊണ്ടോട്ടിയില്‍ രേഖപ്പെടുത്തിയത്. തൊട്ടുപിന്നാലെ മലപ്പുറത്തും മികച്ച പോളിംഗാണ് രേഖപ്പെടുത്തിയത്. യുഡിഎഫ് സ്ഥാനാര്‍ത്ഥി പികെ കുഞ്ഞാലിക്കുട്ടിയുടെ നിയമസഭാ മണ്ഡലമായ വേങ്ങരയിലാണ് എറ്റവും കുറവ് പോളിംഗ് രേഖപ്പെടുത്തിയത്. 65.3 രേഖപ്പെടുത്തിയ മണ്ഡലത്തിലെ കുറവ് പോളിംഗ് യുഡിഎഫ് നേതാക്കളെ ആശങ്കയിലാഴ്ത്തി.