ജിഷ്ണുവിന്റെ മരണം : സര്‍ക്കാരിന് തെറ്റ് പറ്റിയെങ്കില്‍ അത് ചൂണ്ടിക്കാണിക്കാന്‍ പ്രതിപക്ഷത്തെ വെല്ലുവിളിച്ച് മുഖ്യമന്ത്രി

ജിഷ്ണു പ്രണോയിയുടെ മരണവുമായി ബന്ധപ്പെട്ട വിഷയത്തില്‍ സര്‍ക്കാരിന് തെറ്റ് പറ്റിയെങ്കില്‍ അത് ചൂണ്ടിക്കാണിക്കാന്‍ പ്രതിപക്ഷത്തെ വെല്ലുവിളിച്ച് മുഖ്യമന്ത്രി പിണറായി വിജയന്‍. സര്‍ക്കാരിന് തെറ്റ് പറ്റിയതായി ചൂണ്ടിക്കാണിക്കാന്‍ മുന്‍ ആഭ്യന്തര മന്ത്രിയായ രമേശ് ചെന്നിത്തലയ്ക്ക് സാധിക്കുമോ എന്നും അദ്ദേഹം ചോദിച്ചു. കോണ്‍ഗ്രസിനും ബിജെപിക്കും വേണ്ടപ്പെട്ടവരാണ് സംഭവത്തില്‍ ഉള്‍പ്പെട്ടിരിക്കുന്നതെന്നും അദ്ദേഹം ആരോപിച്ചു.

ജിഷ്ണു പ്രണോയിയുടെ ആത്മഹത്യ യുഡിഎഫ് ഭരണകാലത്തായിരുന്നെങ്കില്‍ പ്രസ്തുത സ്വാശ്രയ കോളേജ് എല്ലാ അര്‍ത്ഥത്തിലും സംരക്ഷിക്കപ്പെടുമായിരുന്നെന്നും അദ്ദേഹം പറഞ്ഞു. തെറ്റ് പറ്റിയാല്‍ ഞങ്ങള്‍ തിരുത്തും. പക്ഷെ തെറ്റുണ്ടായിരിക്കണംയ തെറ്റില്ലാതെ ആര്‍ക്കെതിരെയും നടപടിയെടുക്കില്ലെന്നും അദ്ദേഹം പറഞ്ഞു. യുഡിഎഫ് ദുഷിപ്പിച്ച ഉദ്യോഗസ്ഥരെ നേരെയാക്കാന്‍ സമയമെടുക്കുമെന്നും അദ്ദേഹം വ്യക്തമാക്കി.