മലപ്പുറം ഉപതെരഞ്ഞെടുപ്പ് : പ്രവാസി വോട്ടര്‍മാര്‍ കൂട്ടത്തോടെ വോട്ടു ചെയ്യാനെത്തി

മലപ്പുറത്തെ ഉപതെരഞ്ഞെടുപ്പ് ആവേശത്തോടെ നെഞ്ചേറ്റിയ പ്രവാസി വോട്ടര്‍മാര്‍ കൂട്ടത്തോടെ വോട്ടു ചെയ്യാനെത്തി. ഗള്‍ഫ് പ്രവാസികളുടെ എണ്ണം കഴിഞ്ഞ തവണത്തേതിനെക്കാള്‍ അല്‍പ്പം പിന്നോക്കമാണെങ്കിലും ഇതരസംസ്ഥാനങ്ങളില്‍ നിന്നുള്ള വോട്ടര്‍മാര്‍രെല്ലാം സമ്മതിദാന അവകാശം വിനിയോഗിക്കാന്‍ മലപ്പുറത്തെത്തി.

ചെന്നൈയില്‍ നിന്ന് മൂന്ന് ബസുകളിലാണ് ലീഗ് പോഷകസംഘടനയായ കെ.എം.സി.സിയുടെ നേതൃത്വത്തില്‍ വോട്ടര്‍മാര്‍ എത്തിയത്. സമൂഹ മാധ്യമങ്ങള്‍ വഴി പ്രവാസികളുടെ നേതൃത്വത്തില്‍ വന്‍ പ്രചാരണമാണ് നടത്തിയത്. അതേസമയം, ഭൂരിപക്ഷം ഉയര്‍ത്താന്‍ ഏറെ പ്രതീക്ഷ നല്‍കുന്ന ഗള്‍ഫ് പ്രവാസികളുടെ എണ്ണം കുറഞ്ഞത് അല്‍പ്പം ആശങ്കയ്ക്ക് ഇടയാക്കിയിട്ടുണ്ട്.