തിരുവനന്തപുരം നഗരത്തില്‍ ക്ലിഫ് ഹൗസിന് സമീപം ഒരു കുടുംബത്തിലെ നാലു പേര്‍ കൊല്ലപ്പെട്ട നിലയില്‍

മുഖ്യമന്ത്രിയുടെ ഔദ്യോഗിക വസതിയായ ക്ലിഫ്ഹൗസിനു സമീപം ഒരു കുടുബത്തിലെ മൂന്നു പേര്‍ കൊല്ലപ്പെട്ട നിലയില്‍.രണ്ട് മൃതദേഹങ്ങള്‍ കത്തിക്കരിഞ്ഞ നിലയിലും ഒരാളുടേത് ചാക്കില്‍ കെട്ടിയ നിലയിലുമാണ്.റിട്ട.ഡോ.ജീന്‍ പദ്മയും കുടുംബവുമാണ് കൊല്ലപ്പെട്ടത്.

മാര്‍ത്താണ്ഡം നേശമണി കൊളേജില്‍ ഹിസ്റ്ററി പ്രൊഫസറായി വിരമിച്ച രാജാ തങ്കം,ഇയാളുടെ ഭാര്യ ഡോ.ജീന്‍ പദ്മ,മകള്‍ കരോലിന്‍,ജീന്‍ പദ്മയുടെ അമ്മ ലളിത എന്നിവരാണ് കൊല്ലപ്പെട്ടത്. ശനിയാഴ്ച അര്‍ദ്ധരാത്രിയോടെ വീട്ടില്‍ നിന്നും തീയും പുകയും ഉയരുന്നതു കണ്ട് അയല്‍വാസികള്‍ വിവരം അറിയിച്ചതിനെ തുടര്‍ന്ന് സ്ഥലത്തെത്തിയ ഫയര്‍ഫോഴ്‌സും പൊലീസും തീയണച്ച ശേഷം നടത്തിയ തിരച്ചിലിലാണ് മൃതദേഹങ്ങള്‍ കണ്ടെത്തിയത്.വീടിനു പരിസരത്തു നിന്ന് മഴുവും വെട്ടുകത്തിയും കണ്ടെത്തിയതിനാല്‍ സംഭവം കൊലപാതകമാണെന്ന നിഗമനത്തിലാണ് പൊലീസ്.