ട്രംമ്പും കരഞ്ഞു,ഈ കുഞ്ഞുങ്ങള്‍ക്കു വേണ്ടി

അമേരിക്ക സിറിയയുടെ വ്യോമത്താവളത്തിലേയ്ക്ക് നടത്തിയ മിസൈലാക്രമണത്തിന്റെ ശരിയും തെറ്റുമൊക്കെ അവിടെ നില്‍ക്കട്ടെ .പക്ഷെ ക്രൂരനെന്നുലോകം മുഴുവന്‍ കുറ്റപ്പെടുത്തുന്ന അമേരിക്കന്‍ പ്രസിഡന്റ് സിറിയയിലേക്ക് മിസൈലയയ്ക്കാനുള്ള തീരുമാനമെടുത്തതിനു പിന്നില്‍ കരളലയിക്കുന്ന രണ്ട് ചിത്രങ്ങളാണ്.സിറിയയുടെ ബഷര്‍ അല്‍ അസദ് ഭരണകൂട ഭീകരതയ്‌ക്കെതിരെ അമേരിക്കയുടെ ആദ്യ നേരിട്ടുള്ള ആക്രമണം.അധികാരത്തിലെത്തിയ ശേഷം ട്രംമ്പ് എടുത്ത ആദ്യ ഏറ്റവും വലിയ സൈനീക തീരുമാനം അമേരിക്കയുടെ യുദ്ദക്കപ്പലുകളില്‍ നിന്ന് സിറിയയുടെ അല്‍ ഷയാറത് വ്യോമത്താവളത്തിലേയ്ക്ക് രണ്ട് ക്രൂയിസ് മിസൈലുകളാണ് പായിച്ചത്.നിഷ്‌ക്കളങ്കരായ ജനങ്ങളുടെ മേല്‍ക്ക് സിറിയന്‍ സ്വേച്ഛാധിപതില ബഷര്‍ അല്‍ അസദ്, പ്രയോഗിക്കുന്ന രാസായുധാക്രമണത്തിന് തിരിച്ചടിയായാണ് അമേരിക്ക സിറിയയുടെ വ്യോമത്താവളം ആക്രമിച്ചത്.കഴിഞ്ഞ ദിവസം സിറിയയില്‍ ജനവാസ കേന്ദ്രത്തില്‍ നടന്ന സരിന്‍ എന്ന രാസായുധ പ്രയോഗത്തില്‍ 27 കുഞ്ഞുങ്ങളടക്കം നരവധി പേര്‍ കൊല്ലപ്പെട്ടിരുന്നു.ഐക്യ രാഷ്ട്ര സഭയടക്കം ലോകം മുഴുവന്‍ ഇതിനെതിരെ പശ്ചാത്തപിക്കുകയും ചെയ്തിരുന്നു.ആ ആക്രമണങ്ങളെ തുടര്‍ന്ന് ന്യൂസ് ഏജന്‍സി പ്രസിദ്ധീകരിച്ച വെള്ളവിരിയില്‍ ജീവനറ്റ ഇരട്ടക്കുഞ്ഞുങ്ങളേ നെഞ്ചോട് ചേര്‍ത്ത് കെട്ടിപ്പിടിച്ചു കരയുന്ന അബ്ദുല്‍ ഹമീദിന്റെ ചിത്രം ലോക ജനതയെ ആകമാനം വേദനിപ്പിച്ചിരുന്നു.കരളലയിക്കുന്ന ഈ ചിത്രമാണ് അമേരിക്കന്‍ പ്രസിഡന്റിനെ വലിയൊരു സൈനീക തീരുമാനത്തിലേക്ക് നയിച്ചതെന്ന് വൈറ്റ് ഹൗസ#ില്‍ നിന്നു പുറത്തു വരുന്ന റിപ്പോര്‍ട്ടുകള്‍ സൂചിപ്പിക്കുന്നു.വിഷവാതകം ശ്വസിച്ച് മരണത്തിലേയ്ക്ക് വഴുതി വീഴുന്ന കുരുന്നുകളെ വെളളമൊഴിച്ച് ജീവിതത്തിലേയ്ക്ക് തിരികെ വിളിയ്ക്കാന്‍ ശ്രമിച്ച ചിത്രവും ട്രംമ്പിനെ ഏറെ വേദനിപ്പിച്ചതായി റിപ്പോര്‍ട്ടുകളുണ്ട്.

രാസായുധം ശ്വസിച്ച് ഇനിയും കുഞ്ഞുങ്ങള്‍ മരിക്കുന്നത് സഹിക്കാന്‍ കഴിയില്ലെന്ന് ട്രംമ്പ് പറഞ്ഞതായും വൈറ്റ് ഹൗസില്‍ നിന്ന് വിവരങ്ങള്‍ പുറത്തുവരുന്നു.ഇത് ക്രൂരതയാണ്.ഇനി ഇത് തുടരാന്‍ അനുവദിച്ചു കൂടാ ട്രംമ്പ് വിശദീകരിച്ചു സിറിയയില്‍ ഖാന്‍ ഷെയ്ഖൂന്‍ പട്ടണത്തില്‍ കഴിഞ്ഞ ദിവസമായിരുന്നു കഴിഞ്ഞ ചൊവ്വാഴ്ചയായിരുന്നു രാസായുധം പ്രയോഗിച്ചത്.ആക്രമണത്തിനു പിന്നാലെ കരളലിയുന്ന നിരവധി ചിത്രങ്ങളും പുറത്തു വന്നിരുന്നു.കഴിഞ്ഞ വര്‍ഷമാണ് സിറിയയില്‍ നിന്ന് പലായനം ചെയ്യുന്നതിനിടയില്‍ ബോട്ട് തകര്‍ന്ന് ഒരു കുഞ്ഞ് കരയിലടിഞ്ഞ് മരിച്ചു കിടക്കുന്ന ദൃശ്യങ്ങള്‍ പുറത്തു വന്നത്.ഇതും ലോകത്തേ ആകമാനം കരയിപ്പിക്കുന്നതിന് കാരണമായി.