സുരഭി പതിന്നാല് വര്‍ഷങ്ങള്‍ക്ക് ശേഷം ലഭിച്ച ‘മികച്ച നടി’

പതിനാല് വര്‍ഷത്തിന് ശേഷം ഒരു മലയാളി നടിയെ തേടി ദേശീയപുരസ്‌ക്കാരം എത്തുമ്പോള്‍ അത് എന്നും മലയാളിക്ക് ഒരു അഭിമാനമായിരിക്കും. മിന്നാമിനുങ്ങിലെ മികച്ച പ്രകടനത്തിനാണ് സുരഭിക്ക് അവാര്‍ഡ് ലഭിച്ചത്. മികച്ച നടിക്കുള്ള പുരസ്‌ക്കാരം നേടുന്ന ആറാമത്തെ മലയാള നടിയാണ് സുരഭി. 1968 ല്‍ തുലാഭാരം എന്ന ചിത്രത്തിലെ അഭിനയത്തിന് ശാരദയാണ് ദേശീയ പുരസ്‌ക്കാരം മലയാളിക്ക് സമ്മാനിച്ച നടി. 2003 ല്‍ പാഠം ഒന്ന് ഒരു വിലാപം എന്ന ചിത്രത്തിലെ അഭിനയത്തിന് മീര ജാസ്മിനാണ് മികച്ച നടിക്കുള്ള പുരസ്‌ക്കാരം നേടിയ അവസാന നടി.

മികച്ച നടനുള്ള ദേശീയ സ്പെഷ്യല്‍ ജൂറി പുരസ്കാരം മോഹന്‍ലാലിനാണ്. മുന്തിരിവള്ളികള്‍ തളിര്‍ക്കുമ്പോള്‍, പുലിമുരുകന്‍, ജനതാഗാരേജ് എന്നീ സിനിമകള്‍ പരിഗണിച്ചാണ് മോഹന്‍ലാലിന് പുരസ്കാരം. മോഹന്‍ ലാലിന് ദേശീയപുരസ്‌കാരം ലഭിക്കുന്നത് 18 വര്‍ഷങ്ങള്‍ക്ക് ശേഷമാണ്. 1999 ല്‍ വാനപ്രസ്ഥത്തിലൂടെയാണ് അവസാനമായി ലാലിന് ദേശീയപുരസ്‌കാരം ലഭിക്കുന്നത്.