ശരാശരിയിലൊതുങ്ങി ജോര്‍ജ്ജേട്ടന്‍സ് പൂരം…!

ദിലീപ് നായകനായ കോമഡി എന്‍റര്‍ടെയ്നര്‍ ജോര്‍ജ്ജേട്ടന്‍സ് പൂരം റിലീസായി. ഒരു ശരാശരി ചിത്രമെന്നാണ് എല്ലാ സെന്‍ററുകളില്‍ നിന്നുമുള്ള റിപ്പോര്‍ട്ട്. എന്നാല്‍ ദിലീപിന്‍റെ കഴിഞ്ഞ ചിത്രങ്ങളെക്കാള്‍ മികച്ച നിലവാരം പുലര്‍ത്തുന്നതായും റിപ്പോര്‍ട്ടുകളില്‍ പറയുന്നു.

ദിലീപിന്‍റെ സുവര്‍ണകാലത്തെ സിനിമകളുടെ ഓര്‍മ്മയില്‍ ജോര്‍ജ്ജേട്ടനെ കാണാന്‍ പോയാല്‍ കടുത്ത നിരാശയായിരിക്കും ഫലം. തിയേറ്ററുകളില്‍ ചിരിയുടെ അലമാലകളൊന്നും ചിത്രം സൃഷ്ടിക്കുന്നില്ല. എന്നാല്‍ ചില നമ്പരുകള്‍ ചിരിയുണര്‍ത്തുന്നതാണ്. ക്ലൈമാക്സിലെ കബഡിയാണ് പ്രേക്ഷകരെ ത്രില്ലടിപ്പിക്കുന്ന ഒരു ഘടകം. എന്നാല്‍ വലിയ ട്വിസ്റ്റിന്‍റെ ഞെട്ടലൊന്നും പ്രേക്ഷകന് രണ്ടാം പകുതിയും സമ്മാനിക്കുന്നില്ല. ദിലീപിന്‍റെ പ്രകടനം പതിവുപോലെ തന്നെ. നായിക രജിഷ വിജയന് പ്രത്യേകിച്ച് ഒന്നും ചെയ്യാനില്ല. മൊത്തത്തില്‍ നോക്കുമ്പോള്‍ ഒരു ശരാശരി പടത്തിന് അപ്പുറത്തേക്ക് ജോര്‍ജ്ജേട്ടന്‍സിന് എത്താന്‍ കഴിഞ്ഞില്ല...