മലപ്പുറം ഉപതിരഞ്ഞെടുപ്പ്:ഇനി പത്തു ദിവസം മാത്രം ബാക്കി

മലപ്പുറം ഉപതിരഞ്ഞെടുപ്പിന് പത്തു ദിവസം മാത്രം ബാക്കി നില്‍ക്കെ വോട്ടുറപ്പിക്കാന്‍ സ്ഥാനാര്‍ത്ഥികള്‍ നെട്ടോട്ടത്തില്‍.മുസ്ലിം രീഗിന് മുന്‍തൂക്കമുള്ള ലോക്‌സഭാ മണ്ഡലമെന്ന നിലയില്‍ പി കെ കുഞ്ഞാലിക്കുട്ടിയുടെ ഭൂരിപക്ഷം കുറയ്ക്കാനുള്ള തന്ത്രം മാത്രമാണ് സിപിഎം .ബിജെപി തിരഞ്ഞെടുപ്പ് ക്യാമ്പുകള്‍ ലക്ഷ്യമിടുന്നത്.കഴിഞ്ഞ തിരഞ്ഞെടുപ്പില്‍ ഇ അഹമ്മദിന്റെ റെക്കോര്‍ഡ് ഭൂരിപക്ഷം മറികടക്കുക എന്ന തന്ത്രമാണ് ലീഗ് മെനയുന്നത്.ലീഗിന്റെ ശക്തനായ നേതാവും ജനകീയനുമായ കുഞ്ഞാലിക്കുട്ടിയ്ക്ക് കഴിയും എന്നു തന്നെയാണ് അവരുടെ കണക്കു കൂട്ടല്‍.

എന്നാല്‍ എം ബി ഫൈസലിനു വേണ്ടി മലപ്പുറത്തിന്റെ മുക്കിനും മൂലയിലും വരെ നേതാക്കന്‍മാരേ എത്തിച്ചുള്ള പ്രചരണമാണ് സി പി എം നടത്തുന്നത്.ബിജെപിയാകട്ടെ ഇതുവരെ അവിടെ നേടിയ വോട് ഷെയറില്‍ ഒരു ശതമാനമെങ്കിലുംകൂട്ടാനുള്ള ശ്രമത്തിലുമാണ്.ഹിന്ദു വോട്ടുകള്‍ ഏകീകരിപ്പിക്കാന്‍ കഴിഞ്ഞാല്‍ ബിജെപിയുടെ വോട്ട് ഷെയറ് വര്‍ദ്ധിയ്ക്കും.എന്തായാലും സര്‍ക്കാരിന്റെ പ്രതിച്ഛായ നിലനിര്‍ത്താന്‍ ഇടതുപക്ഷം ലീഗിന്റെ വോട് ബാങ്കില്‍ വിള്ളല്‍ ഉണ്ടാക്കാനുള്ള കടുത്ത ശ്രമവും നടത്തും.മുസ്ലീം സമുദായക്കാരനും യുവാവുവമായ സിപിഎം സ്ഥാനാര്‍ത്ഥിയുമായ എം ബി ഫൈസല്‍ യുവ വോട്ടുകള്‍ നേടുമെന്നാണ് നേതൃത്വത്തിന്റെ കണക്കു കൂട്ടല്‍.എന്നാല്‍ ഏത് അവിശുദ്ധ കൂട്ടുകെട്ടുകളിലൂടെയും വലിയ ഭൂരിപക്ഷമെന്നാണ് ലീഗിന്റെ സ്വപ്നം.മൂന്ന് പാര്‍ട്ടികളുടെയും സ്ഥാനാര്‍ത്ഥികള്‍ മല്‍സര രംഗത്തുണ്ടെങ്കിലും ത്രികോണ മല്‍സരമൊന്നും മലപ്പുറത്ത് ഉണ്ടാകില്ല.കാരണം ലീഗെന്ന കോട്ടയില്‍ വിള്ളലുണ്ടാക്കി ജയമെന്നത് സിപിഎമ്മിന്റെ വിദൂര സ്വപ്നം മത്രമായിരിക്കും