നിര്‍മാതാവ്‌ മഹാ സുബൈറിന്‌ എതിരേ ഗുണ്ടാ ആക്രമണം

പ്രമുഖ സിനിമാ നിര്‍മാതാവ്‌ മഹാ സുെബെറിനെതിരേ ഗുണ്ടാ ആക്രമണം. ചെവിക്കു പിന്നില്‍ തലയ്‌ക്കു പൊട്ടലേറ്റ സുബൈറിനെ മെഡിക്കല്‍ ട്രസ്‌റ്റ്‌ ആശുപത്രിയില്‍ പ്രവേശിപ്പിച്ചു. സംഭവത്തില്‍ ഒരാളെ പോലീസ്‌ കസ്‌റ്റഡിയിലെടുത്തു. കലൂര്‍- തമ്മനം റോഡിലെ ഇടശേരി മാന്‍ഷന്‍ ഹോട്ടലില്‍ ഇന്നലെ രാത്രി പത്തരയോടെയാണു സംഭവം. പത്തിലധികം വരുന്ന സംഘമാണ്‌ ആക്രമിച്ചതെന്നും തമ്മനത്തെ ഗുണ്ടാസംഘത്തില്‍ ഉള്‍പ്പെട്ടവരാണിതെന്നുമാണു സൂചന. രാവിലെ മുതല്‍ ഇവിടെ ജയറാം നായകനായ "ആകാശമിഠായി" എന്ന സിനിമയുടെ ഷൂട്ടിങ്‌ നടക്കുകയായിരുന്നു. സമുദ്രക്കനി സംവിധാനം ചെയ്യുന്ന ചിത്രം മഹാസുെബെറാണ്‌ നിര്‍മിക്കുന്നത്‌.

സുബൈര്‍ രാത്രി ഹോട്ടലിലേക്കെത്തിയപ്പോള്‍ ഷൂട്ടിങ്ങിനായി കൊണ്ടുവന്ന െലെറ്റ്‌ ഉപയോഗിച്ച്‌ ഗുണ്ടാ സംഘം ആക്രമിക്കുകയായിരുന്നു. സംഘം രാവിലെ മുതല്‍ ഇവിടത്തെ ബാറിലുണ്ടായിരുന്നതായി സൂചനയുണ്ട്‌. സിറ്റി പോലീസ്‌ കമ്മിഷണര്‍ എം.പി. ദിനേശ്‌ ആശുപത്രിയിലെത്തി സുെബെറില്‍നിന്നു മൊഴിയെടുത്തു.