എസ് എസ് എല്‍ സി കണക്കു പരീക്ഷ റദ്ദാക്കി;ഈ മാസം 30 ന് വീണ്ടും നടത്തും.

എസ് എല്‍ സി കണക്കു പരീക്ഷയ്ക്കു നല്‍കിയ ചോദ്യപേപ്പര്‍ സ്വകാര്യ സ്ഥാപനം തയ്യാറാക്കിയ അതേ ചോദ്യപേപ്പറാണെന്ന ആക്ഷേപത്തേ തുടര്‍ന്ന് കണക്കു പരീക്ഷ റദ്ദാക്കി.പരീക്ഷ ഈ മാസം30ന് വീണ്ടും നടത്തുമെന്ന് വിദ്യാഭ്യാസ മന്ത്രി പ്രൊഫ.സി രവീന്ദ്രനാഥ് അറിയിച്ചു. കണക്കു പരീക്ഷയുടെ ചോദ്യപേപ്പര്‍ തയ്യാറാക്കിയ അധ്യാപകന് മലപ്പുറത്തെ സ്വകാര്യ സ്ഥാപനവുമായുള്ള ബന്ധം കൂടിയാണ് ഇതിനെ തുടര്‍ന്ന് പുറത്തു വരുന്നത്.മെറിറ്റ് എന്ന സ്ഥാപനം എസ് എസ് എല്‍ സി പരീക്ഷയ്ക്കു മുന്‍പ് വിദ്യാര്‍ത്ഥികള്‍ക്കു നടത്തിയ ചോദ്യപേപ്പറിലെ 13 ചോദ്യങ്ങള്‍ പൊതു പരീക്ഷയിലും ആവര്‍ത്തിച്ചു.പരീക്ഷ കഠിനമായതിനാല്‍ വിദ്യാര്‍ത്ഥികളും അധ്യാപകരും നടത്തിയ സൂക്ഷമ പരിശോധനയിലാണ് ഇരു ചോദ്യ പേപ്പറിലെയും ആവര്‍ത്തനം മനസിലാക്കിയത്.തുടര്‍ന്നാണ് പരീക്ഷ റദ്ദാക്കാന്‍ വിദ്യാഭ്യാസ വകുപ്പ് തീരുമാനിച്ചത്.

മമെറിറ്റിന്റെ ചോദ്യപേപ്പര്‍ അതേപടി എസ് എല്‍ സി യ്ക്കും ആവര്‍ത്തിക്കുകയായിരുന്നു.പ്ലസ്ടു ,എസ് എല്‍ എല്‍ സി പരീക്ഷയ്ക്കു മുന്‍പ് റിവിഷന്‍ നടത്താന്‍ മെറിറ്റ് സ്‌കൂളുകള്‍ക്കു നല്‍കുന്ന ചോദ്യപേപ്പറിലാണ് ഈ കുഴപ്പം കണ്ടെത്തിയത്.