ചിന്നക്കടയിലെ തീപ്പിടുത്തം : അഞ്ചുകോടിയുടെ നഷ്ടം

കൊല്ലത്ത് ചിന്നക്കട റോഡില്‍ പുലര്‍ച്ചെയുണ്ടായ തീപ്പിടുത്തത്തില്‍ ഏകദേശം അഞ്ചു കോടിയുടെ നഷ്ടമുണ്ടായതായി റിപ്പോര്‍ട്ട്. ഒരു കടയിലുണ്ടായ ഷോര്‍ട്ട് സര്‍ക്യൂട്ടാണ് കാരണമായതെന്നാണ് പ്രാഥമിക നിഗമനം. രണ്ടു കടകള്‍ പൂര്‍ത്തമായും കത്തി നശിച്ചു.

രണ്ടു മണിക്കൂര്‍ നീണ്ട പ്രയത്നത്തിന് ശേഷമാണ് തീയണയ്ക്കാന്‍ കഴിഞ്ഞത്. 18 ഓളം ഫയര്‍ഫോഴ്സ് യൂണിറ്റിന്റെ സേവനം വേണ്ടിവന്നു. അഗ്നിശമന വിഭാഗത്തിനൊപ്പം പോലീസും ജനങ്ങളും രക്ഷാപ്രവര്‍ത്തന ജോലികളില്‍ ഏര്‍പ്പെട്ടു. പുലര്‍ച്ചെ അഞ്ചു മണിയോടെയാണ് തീപ്പിടുത്തം പ്രദേശ വാസികളുടെ ശ്രദ്ധയില്‍ പെട്ടത്. ഒരു കടയിലുണ്ടായ തീ മറ്റു കടകളിലേക്കും പടരുന്നതിനിടയില്‍ നാട്ടുകാര്‍ തന്നെ പോലീസിനെയും ഫയര്‍ഫോഴ്സിനെയും വിളിച്ചു വരുത്തുകയായിരുന്നു. അഞ്ചു കടകള്‍ പൂര്‍ണ്ണമായും ഭാഗികമായും കത്തിനശിച്ചു.