കുണ്ടറ പീഡനം:പ്രതിയുടെ ഭാര്യയെ പൊലീസ് ഇന്ന് അറസ്റ്റ് ചെയ്യും, പീഡനത്തിന് കൂട്ടു നിന്നു?

കുണ്ടറ പീഡനക്കേസില്‍ പ്രതിയുടെ ഭാര്യയായ മരിച്ച പത്തു വയസുകാരിയുടെ മുത്തശ്ശിയും കസ്റ്റഡിയില്‍.ഈ കൂട്ടിയുടെ ബന്ധുവായ 13 കാരിയായ മറ്റൊരു പെണ്‍കുട്ടിയെ പീഡിപ്പിക്കാന്‍ കൂട്ടു നിന്നെന്നാണ് കേസ്.നേരത്തേ ഇവരുടെയും മരിച്ച കുട്ടിയുടെ മൂത്തസഹോദരിയുടെയും മൊഴിയിലാണ് പ്രതി വിക്ടറിനെ പൊലീസ് കസ്റ്റഡിയിലെടുത്തത്.ഈ പെണ്‍കുട്ടിയെ കൂടുതല്‍ കൗണ്‍സിലിംഗിന് വിധേയമാക്കിയപ്പോള്‍ പ്രതിയുടെ ഭാര്യയുടെ പങ്കും വ്യക്തമാകുകയായിരുന്നു.

കുണ്ടറയില്‍ മുത്തശ്ശന്റെ ക്രൂരപീഡനങ്ങള്‍ക്ക് ഇരയായി ആത്മഹത്യ ചെയ്തതെന്ന് കരുതപ്പെടുന്ന പത്തു വയസുകാരിയുടെ ബന്ധുവാണ് ഇയാളുടെ ക്രൂര പീഡനത്തിനിരയായ 13കാരി പെണ്‍കുട്ടി.എന്നാല്‍ മരിച്ച കുട്ടി പീഡനത്തിനിരയായെന്ന പോസ്റ്റുമോര്‍ട്ടം റിപ്പോര്‍ട്ടിന്റെ അടിസ്ഥാനത്തിലും പൊലീസ് കേസെടുക്കാന്‍ തയ്യാറായിട്ടില്ല.പിന്നീട് വന്ന വാര്‍ത്തകളുടെ അടിസ്ഥാനത്തിലാണ് നില്‍ക്കക്കള്ളിയില്ലാതെ പൊലീസ് കേസെടുത്ത് അന്വേഷണം ആരംഭിച്ചത്

തുടര്‍ന്ന് കുട്ടി വീട്ടില്‍ നിന്നു തന്നെയാണ് പീഡനത്തിനിരയായതെന്ന ഞെട്ടിക്കുന്ന വിവരങ്ങളാണ് പുറത്തു വന്നത്.തുടര്‍ന്ന് കേസന്വേഷിച്ച പൊലീസ് കുട്ടിയുടെ മുത്തശ്ഛനെ കസ്റ്റഡിയിലെടുത്തു.എന്നാല്‍ കേസിന്റെ ആദ്യ ഘട്ട അന്വേഷണത്തില്‍ ഇതിനോട് നിസഹകരണം തുടര്‍ന്ന കുട്ടിയുടെ അമ്മയും മൂത്തസഹോദരിയും നിരന്തരമായ കൗണ്‍സിലിംഗിനേ തുടര്‍ന്നാണ് വിവരങ്ങളെല്ലാം തുറന്നു പറഞ്ഞത്.

തുടര്‍ന്ന് അയല്‍ക്കാരനായ 14 കാരന്റെ കുടുംബവും പ്രതി വിക്ടറിനും മകനുമെതിരെ അവരുടെ 14 കാരനായ മകന്റെ ആത്മഹത്യയിലും മകളോട് അപമര്യാദയായി പെരുമാറിയെന്ന ആരോപണവുമായി രംഗത്തെത്തി.ഈ കേസിലും പൊലീസ് അന്വേഷണം ആരംഭിച്ചു.