കുണ്ടറ പീഡനം:പ്രതിയായ മുത്തച്ഛന്‍ വിക്ടറും ഇയാളുടെ മകനും മറ്റൊരു കൊലപാതകത്തില്‍ കൂടി പ്രതികളായേക്കും

കുണ്ടറ പീഡനം അറസ്റ്റിലായ വിക്ടറും അയാളുടെ മകനുമെതിരെ മറ്റൊരു കൊലപാതക ആരോപണം കൂടി,ഇവരുടെ അയല്‍ക്കാരനായ പതിനാലുകാരനേ ഇരവരും ചേര്‍ന്ന് കൊന്നു കെട്ടിത്തൂക്കിയതാണെന്ന ആരോപണവുമായി മരിച്ച കുട്ടിയുടെ മാതാപിതാക്കള്‍.എന്നാല്‍ പതിനാലു വയസുള്ള ആണ്‍കുട്ടിയെ ആയിരുന്നില്ല അവര്‍ ലക്ഷ്യമിട്ടിരുന്നെന്നും അവന്റെ സഹോദരിയെയാണെന്നും കരുതുന്നു.ഇവര്‍ വീട്ടില്‍ കയറി മരിച്ച കുട്ടിയുടെ സഹോദരിയെ ആക്രമിച്ചെന്നും എന്നാല്‍ ഭാവിയില്‍ വലിയ പ്രശ്‌നങ്ങളാകുമെന്ന് പൊലീസ് അറിയിച്ചതു കൊണ്ടാണ് പരാതിപ്പെടാതിരുന്നതെന്നും വിക്ടറിന്റെ അയല്‍ക്കാരായിരുന്നവര്‍ അറിയിച്ചു.പ്രശ്‌നങ്ങള്‍ കൂടുതല്‍ വഷളാകാതെ ഇവര്‍ താമസം സ്ഥലം മാറിപ്പോകുകയായിരുന്നു.

പലതവണ ഈ കുടുംബത്തെ വിക്ടറും മകന്‍ ഷിബുവും ഭീഷണിപ്പെടുത്തിയിരുന്നതായും അവര്‍ പറഞ്ഞു.മകളായിരുന്നു അവരുടെ ലക്ഷ്യം .എന്നാല്‍ അവളെ കിട്ടാതിരുന്നതു കൊണ്ട് മകനെ അപായപ്പെടുത്തിയതാണെന്നാണ് ഭീഷണിയുടെ സ്വരത്തില്‍ അവര്‍ അറിയിച്ചതെന്നും മരിച്ച ആണ്‍കുട്ടിയുടെ വീട്ടുകാര്‍ ആരോപിച്ചു.പതിനാലുകാരന്‍ മരിച്ച ദിവസവും പെണ്‍കുട്ടിയെ ഭീഷണിപ്പെടുത്തിയതായും അവര്‍ പറയുന്നു.കുണ്ടറ പൊലീസ് സ്റ്റേഷനിലെ പൊലീസുകാര്‍ സുഹൃത്തുക്കളായതിനാല്‍ തന്നെ ഒന്നും ചെയ്യില്ലെന്നും ഷിബു പറഞ്ഞിരുന്നതായി വീട്ടുകാര്‍ പറയുന്നു.മകന്‍ മരിച്ച് 19 ദിവസത്തിനു ശേഷമാണ് പൊലീസുകാര്‍ അന്വേഷണത്തിനെത്തിയതെന്നും മരിച്ച കുട്ടിയുടെ വീട്ടുകാര്‍ ആരോപിയ്ക്കുന്നു