കാരുണ്യ പദ്ധതി ക്രമക്കേട്:ഉമ്മന്‍ ചാണ്ടിക്കും മാണിക്കും വിജിലന്‍സിന്റെ ക്ലീന്‍ ചിറ്റ്

കാരുണ്യ പദ്ധതി ക്രമക്കേടില്‍ കെ എം മാണിയും ഉമ്മന്‍ ചാണ്ടിയും ക്രമക്കേട് നടത്തിയിട്ടില്ലെന്ന് വിജിലന്‍സ് കണ്ടെത്തി.ഇരുവരും അഴിമകതി നടത്തിയതിന് തെളിവില്ലെന്ന് വിജിലന്‍സിന്റെ റിപ്പോര്‍ട്ടില്‍ വ്യക്തമാക്കുന്നു. 5000 രൂപയില്‍ താഴെ സഹായം നല്‍കിയതില്‍ ഇടനിലക്കാര്‍ ചൂഷണം നടത്തിയെന്ന് വിജിലന്‍സിന് തെളിവു ലഭിച്ചു.തിരുവനന്തപുരം വിജിലന്‍സ് യൂണിറ്റ് 1 ആണ് സംഭവത്തേക്കുറിച്ച് അന്വേഷിച്ചത്.അന്വേഷണ റിപ്പോര്‍ട് മലപ്പുറം വിജിലന്‍സ് പ്രത്യേക കോടതിയില്‍ സമര്‍പ്പിച്ചു.

ഉമ്മന്‍ചാണ്ടി ,കെ എം മാണി,അഡീഷണല്‍ വിജിലന്‍സ് ഡയറക്ടര്‍ കെഎം ഏബ്രഹാം,മുന്‍ ലോട്ടറി ഡയറക്ടര്‍ എന്നിവര്‍ക്കെതിരെയായിരുന്നു പ്രാഥമിക അന്വേഷണം നടത്തിയത്.മലപ്പുറം സ്വദേശിയാണ് ക്രമക്കേട് ചൂണ്ടിക്കാട്ടി വിജിലന്‍സിനെ സമീപിച്ചത്. കാരുണ്യ ലോട്ടറിയിലൂടെ സര്‍ക്കാരിന് പ്രയോജനം ലഭിച്ചെങ്കിലും രോഗികള്‍ക്ക് ഗുണം കിട്ടിയില്ലെന്നായിരുന്നു ഹര്‍ജിക്കാരന്റെ ആരോപണം.