മലപ്പുറത്തൊരു അമുസ്ലീമിനെ മല്‍സരിപ്പിക്കാന്‍ സി പി എം ധൈര്യം കാട്ടുമോ?

സിപിഎമ്മിന്റെ മുതിര്‍ന്ന നേതാവ് പി കെ സൈനബ തട്ടമിടാറില്ല.തട്ടമിടാത്ത സൈനബയ്ക്ക് വോട്ടു ചെയ്യാനൊട്ടു മലപ്പുറത്തുകാര്‍ കൂട്ടാക്കിയില്ല.തട്ട പ്രശ്‌നം ഇ അഹമ്മദിനു വലിയ വിജയം നേടിക്കൊടുത്തു.മലപ്പുറത്തെ 'മതന്യൂനപക്ഷങ്ങള്‍'മാത്രമായിരിക്കില്ല അന്ന് സൈനബയ്ക്കു വോട്ടു ചെയ്തത്.കറകളഞ്ഞ ഇടതു പക്ഷക്കാരും ഏറെയുണ്ടവിടെ. ഒരു പക്ഷെ അവര് മാത്രമേ സൈനബയ്ക്ക് അന്ന് വോട്ട് നല്‍കിയിട്ടുണ്ടാകൂ എന്നാണ് ഇ അഹമ്മദ് നേടിയ വോട്ടിന്റെ എണ്ണമെടുത്താല്‍ മനസിലാകും.എന്നാല്‍ ഏതു നേരവും ജാതിയ്ക്കും മതത്തിനും അതീതമായി വാക്ക് ശരങ്ങളെയ്യുന്ന സി പി എമ്മിന് ഇ അഹമ്മദിന്റെ ഒഴുവിലേക്ക് ഏപ്രില്‍ 23 ന് നടക്കുന്ന ഉപതെരഞ്ഞെടുപ്പില്‍ വിധിക്കൂട്ടിലേക്ക് ഒരമുസ്ലീമിനെ നിര്‍ത്താന്‍ സാധിക്കുമോ?

മലപ്പുറത്തിന്റെ ചരിത്രത്തില്‍ ഒരിക്കല്‍ മാത്രമാമേ ഒരമുസ്ലീം മല്‍സരിച്ചിട്ടുള്ളൂ എന്ന് രേഖകള്‍ സൂചിപ്പിക്കുന്നു.അതും മണ്ഡലം രൂപീകൃതമായ കാലത്തോ മറ്റോ.അതല്ലാതെ അവിടെ ആരേയും നിര്‍ത്താനോ മല്‍സരിപ്പിക്കാനോ ജയിപ്പിക്കാനോ ഒരു പാര്‍ട്ടിയും ധൈര്യം കാണിച്ചിട്ടില്ല.അതാണ് അവിടുത്തെ രാഷ്ട്രീയ പാരമ്പര്യം.മുസ്ലീം ഭൂരിപക്ഷമോ ഹിന്ദു ഭൂരിപക്ഷമോ എന്നുള്ളതാണ് പ്രശ്‌നമെങ്കില്‍ കേരളത്തിന്റെ മുഖ്യമന്ത്രിമാരായി ഏകെ ആന്റണിയോ ഉമ്മന്‍ചാണ്ടിയോ വരില്ല.കാരണം ക്രിസ്ത്യന്‍ വിഭാഗങ്ങളില്‍ പെടുന്ന ഇരുവരും മതന്യൂനപക്ഷമാണ്.അതുകൊണ്ട് മതത്തെ കൂട്ടുപിടിച്ച് ഒരു സ്ഥാനാര്‍ത്ഥിയെ മല്‍സരിപ്പിക്കുന്നതില്‍ ഒരു പാര്‍ട്ടിയുമ മുന്നിട്ടിറങ്ങേണ്ടതില്ല.പ്രത്യേകിച്ച് സിപിഎം .അതാണ് കമ്യൂണിസ്റ്റ് പാര്‍ട്ടിയുടെ പാരമ്പര്യം. ഈ ചര്‍ച്ചയില്‍ മുസ്ലിം ലീഗിനെ നമുക്ക് മാറ്റി നിര്‍ത്താം.ലീഗ് തികച്ചും വര്‍ഗീയ കാര്‍ഡിട്ട് കളിക്കുന്ന പാര്‍ട്ടിയാണ്.അവര് ലക്ഷ്യമിടുന്നതും മുസ്ലീം വോട്ടുകള്‍ തന്നെ.അതുകൊണ്ടാണ് കേരളത്തിന്റെ വടക്കേ അറ്റത്തേ ജനപിന്തുണ മധ്യത്തിലോട്ടും തെക്കോട്ടും കിട്ടാത്തത്.പക്ഷെ ഇടതു പക്ഷം അങ്ങനെയല്ലല്ലോ.2012 ല്‍ കയ്യാലപ്പുറത്തെ തേങ്ങാ പോലെ കോണ്‍ഗ്രസിനെ ഭരണമേല്‍പിച്ചതും 2017 ല്‍ അങ്ങ് നിലം പരിശാക്കി 'എല്ലാം ശരിയാക്കി തരാം'എന്നു പറഞ്ഞ പാര്‍ട്ടിയ്‌ക്കൊപ്പം മനസ് നട്ടതും കേരള ജനതയാണ്.അവിടെ സമുദായത്തിനായിരുന്നില്ല പ്രാധാന്യം.ഇടതു പക്ഷത്തിനായിരുന്നു.അവരുടെ ചിന്താഗതിക്കായിരുന്നു.

ഇനി വെറുതെ ഒരു സ്ഥാനാര്‍ത്ഥിയെ അവിടെ മല്‍സരിപ്പിക്കുകയായിരിക്കുമെന്നു കരുതി ഏതെങ്കിലുമൊരു മുസ്ലീം സമുദായാംഗമായ പാര്‍ട്ടിക്കാരനെ അവിടെ പിടിച്ചു നിര്‍ത്തി കുരുതിക്കു കൊടുത്തേക്കാമെന്ന് കരുതരുത്.അത് പാര്‍ട്ടിയുടെ തന്നെ ഏതെങ്കിലും സ്ഥാനം കൈയ്യാളുന്ന പാവപ്പെട്ടവനാണെങ്കില്‍ പോലും. ഈ തൊട്ടടുത്ത ദിവസം ഫലം വന്ന യു പിയില്‍ നിന്നൊരു പാഠമുണ്ട്.ബിജെപി കളിച്ചത് മോദി എന്ന ബ്രാന്‍ഡ് കൊണ്ടായിരുന്നു.56 ലധികം മുസ്ലിം ഭൂരിപക്ഷ മണ്ഡലങ്ങളില്‍ 38 ലും അവിടെ വിജയിച്ചത് നിങ്ങള്‍ വര്‍ഗീയ പാര്‍ട്ടിയെന്ന് നാഴികകയ്ക്കു നാല്പതു വട്ടവും കൊട്ടിഘോഷിക്കുന്ന ബിജെപി ആയിരുന്നു.അപ്പോള്‍ ഒന്നു മനസിലാക്കാം ജാതി തീരുമാനിക്കുന്ന രാഷ്ട്രീയയത്തില്‍ നിന്നും ഇടതു പക്ഷമെങ്കിലും അകന്നു പോകേണ്ട കാലമാണ്.ഇവിടെ വികസനത്തിനാണ് പ്രാധാന്യമുണ്ടാകേണ്ടത്.അതുപോലെ പിന്നോക്ക കാര്‍ഡില്‍ കളിച്ച സമാജ് വാദി പാര്‍ട്ടിയും ബഹുജന്‍ സമാജ് വാദി പാര്‍ട്ടിയുമൊക്കെ പൊട്ടിത്തകര്‍ന്നതും കണ്ടതാണ്.അതങ്ങ് വടക്കെന്നെഴുതി തള്ളിക്കളയുകയല്ല വേണ്ടത്.

തലസ്ഥാനത്തു നിന്നു കേരളത്തിനെന്തു എന്തെങ്കിലുമൊക്കെ നേടിയെടുക്കാന്‍ പ്രാപ്തിയുള്ള നേതാവാണ് വരേണ്ടത്.മതേതര നിലപാടില്‍ നിന്ന് മണ്ഡലത്തില്‍ നിന്നു കളിക്കാന്‍ കഴിയണം.ഇടതു പക്ഷം ഒരമുസ്ലീമിനെ മല്‍സരിപ്പിച്ചാല്‍ അതി ചരിത്രത്തിന്റെ തിരുത്തിക്കുറിക്കലാണ്.ജയിപ്പിക്കാന്‍ കഴിഞ്ഞാല്‍ ചരിത്രത്താളുകളില്‍ തങ്കലിപികളില്‍ എഴുതി ചേര്‍ക്കുന്ന പേരുമാവും അത്.തട്ടമിടാത്തവരും തൊപ്പിവെക്കാത്തവരും മല്‍സരിച്ചാല്‍ വോട്ട് നല്‍കില്ലെന്ന നിലപാടില്‍ നിന്നു ജനങ്ങള്‍ വളരണം.പകരം വികസനമാകണം വോട്ടാകണം.ജാതി മത രാഷ്ട്രീയത്തിന് അതീതമാകണം വോട്ടുകള്‍