കാത്തിരിക്കുന്നത് മൂന്നാഴ്ച്ചകൂടി: വാഗ്ദാനം സഹമന്ത്രി പദം

കേരളത്തില്‍ മുന്നണി വിടാതിരിക്കുന്നതിനായി ബി ഡി ജെ എസ്സിന് കേന്ദ്രസഹമന്ത്രി സ്ഥാനം വാഗ്ദാനം. കഴിഞ്ഞആഴ്ച്ച ബി ജെ പി ദേശീയ നേതൃത്വവുമായി ചര്‍ച്ച നടത്തിയ ബി ഡി ജെ എസ് നേതാവ് ടി വി ബാബുവിനാണ് ഈ ഉറപ്പ് നല്‍കിയിരിക്കുന്നത്. ഇക്കാര്യത്തിലെ അന്തിമ ചര്‍ച്ചയ്ക്കായി തുഷാര്‍ വെള്ളാപ്പള്ളി ഉടന്‍ ഡല്‍ഹിക്കുപോകും . ഈ ആഴ്ച്ച അവസാനമോ അടുത്ത ആഴ്ച്ചയിലോ ആയിരിക്കും തുഷാര്‍ അമിത്ഷാ ചര്‍ച്ച.

കേന്ദ്ര സര്‍വ്വകലാശാലയ്ക്ക് ഗുരുദേവന്റെ പേരു നല്‍കുന്നത് സംബന്ധിച്ച തീരുമാനം അടുത്ത ദിവസം തന്നെ ഉണ്ടാകും . അതുപോലെ ബി.ഡി ജെ എസ്സിന് ഉറപ്പു നല്‍കിയിരിക്കുന്ന മറ്റു പോസ്റ്റുകളും മാര്‍ച്ച് മാസത്തില്‍ പ്രഖ്യാപിക്കുമെന്നാണ് ഉറപ്പ്.

എന്നാല്‍ കേന്ദ്ര സഹമന്ത്രിസ്ഥാനം തുഷാര്‍ വെള്ളാപ്പള്ളി സ്വീകരിക്കുന്നതിനോട് വെള്ളാപ്പള്ളിക്ക് അനുകൂല നിലപാടല്ല. യോഗത്തിന്റെ നിയന്ത്രണവും ക്രേളത്തിലെ രാഷ്ട്രീയ ബലവും നഷ്ടപ്പെടും എന്ന വാദമാണ് വെള്ളാപ്പള്ളിയും അദഞ്ഞുേഹത്തോട് അടുത്ത ഗ്രൂപ്പും ഉന്നയിക്കുന്നത്. എന്‍. ഡി എ വിട്ട് യു ഡി എഫിനെപ്പം നിന്ന് കേരള ഭരണം നേടുക എന്ന ആശയമാണ് ഇവര്‍ മുന്നോട്ടു വയ്ക്കുന്നത്.

കോണ്‍ഗ്രസിന് ക്ഷീണ കാലമായതിനാല്‍ പല നേതാക്കളും ബി ഡി ജെ. എസ്സിലേക്ക് വരുമെന്നും വലതു പക്ഷത്തെ ഒന്നാം കക്ഷിയാകാം എന്നാല്‍ വെള്ളാപ്പള്ളി പറയുന്നത്.