നിവിന്‍ പോളിയുടെ ‘സഖാവ്’ കോട്ടയം ജനറല്‍ ആശുപത്രിക്ക് വന്‍ നഷ്ടം

കോട്ടയം ജനറല്‍ ആശുപത്രിയില്‍ മൂന്നുമാസം മുന്‍പാണ് നിവിന്‍ പോളി നായകനായ സഖാവിന്റെ ചിത്രീകരണം നടന്നത്.അന്നു തന്നെ യൂത്ത്‌കോണ്‍ഗ്രസ് അടക്കമുള്ള സംഘടനകള്‍ അതിനെതിരെ പ്രതിഷേധവുമായി രംഗത്തു വന്നിരുന്നു.കരാറുകാര്‍ നിര്‍മ്മാണം പൂര്‍ത്തിയാക്കി കെട്ടിടം കൈമാറുന്നതിനു മുന്‍പാണ് ചിത്രീകരണം നടന്നത്തിയത് എന്നായിരുന്നു പ്രതിഷേധത്തിനു പ്രധാന കാരണം.പുതിയ കെട്ടിടത്തില്‍ പാകിയിരുന്ന ടൈലുകള്‍ ഷൂട്ടിംഗിനിടെ പൊട്ടിത്തകര്‍ന്നു.ഇതാണ് നഷ്ടത്തിനു പ്രധാന കാരണം.ഇതിനു നഷ്ടപരിഹാരം ഈടാക്കുന്നതു സംബന്ധിച്ചും നിയമ നടപടികള്‍ സ്വീകരിക്കുന്നതു സംബന്ധിച്ചും ആശുപത്രി വികസന സമിതി യോഗം ആലോചിക്കുന്നുണ്ട്. പി ഡബ്ല്യു ഡി സിവില്‍ വിഭാഗം കരാറുകാരന്‍ സമര്‍പ്പിച്ച പരാതിയിന്‍മേലാണ് നടപടികള്‍.സിദ്ധാര്‍ത്ഥ് ശിവ സംവിധാനം ചെയ്യുന്ന ചിത്രത്തിന്റെ ചിത്രീകരണം പീരുമേട്ടില്‍ പൂര്‍ത്തിയായി.