മലപ്പുറം ഉപതെരഞ്ഞെടുപ്പ്:സിപിഎം സ്ഥാനാര്‍ത്ഥി പട്ടികയില്‍ സംവിധായകന്‍ കമലും

മലപ്പുറം എം പിയും മുസ് ലിം ലീഗ് നേതാവുമായ ഇ അഹമ്മദിന്റെ മരണത്തോടെ ഒഴിവു വരുന്ന മണ്ഡലത്തിലേക്ക് ഏപ്രില്‍ 12 ന് നടക്കുന്ന ഉപതെരഞ്ഞെടുപ്പിലേക്ക് സി പി എം സ്ഥാനാര്‍ത്ഥി പട്ടികയില്‍ സംവിധായകന്‍ കമലും.കമലിനെ കൂടാതെ ഡിവൈഎഫ്‌ഐ അഖിലേന്‍ഡ്യാ പ്രസിഡന്റ് മുഹമ്മദ് റിയാസ് ഉള്‍പ്പടെ നാലുപേരാണ് സ്ഥാനാര്‍ത്ഥി പട്ടികയിലുണ്ടെന്നാണ് സൂചന.ഈ മാസം 23 നാണ് നാമനിര്‍ദ്ദേശ പട്ടിക സമര്‍പ്പിക്കാനുള്ള അവസാന ദിവസം.ഏപ്രില്‍17നാണ് വോട്ടെണ്ണല്‍.

മലപ്പുറത്ത് ലീഗിന്റെ സ്ഥാനാര്‍ത്ഥിയായി പി കെ കുഞ്ഞാലിക്കുട്ടിക്കു തന്നെയാണ് സാധ്യത.ഇ അഹമ്മദിന്റെ മകള്‍ ഡോ.ഫൗസിയ ഷെര്‍ഷാദിനെ മല്‍സരിപ്പിക്കാനും അണിയറ നീക്കങ്ങള്‍ സജീവമാണ്.