കണ്ണീര്‍ തോര്‍ന്നു,കുഞ്ഞിനെ കണ്ടെത്തി,നവജാത ശിശുവിനെ തട്ടിയെടുത്ത യുവതി പൊലീസ് കസ്റ്റഡിയില്‍

കോഴഞ്ചേരി ജില്ലാ ആശുപത്രിയില്‍ നിന്നു തട്ടിക്കൊണ്ടു പോയ നവജാത ശിശുവിനെ കണ്ടെത്തി.റാന്നി വെച്ചൂച്ചിറയില്‍ നിന്നാണ് കുഞ്ഞിനെ കണ്ടെത്തിയത്.കുട്ടിയെ തട്ടിക്കൊണ്ടു പോയ റാന്നി സ്വദേശിനി ലീന പൊലീസ് കസ്റ്റഡിയില്‍.എന്നാല്‍ എന്തിനാണ് കുട്ടിയെ തട്ടിയെടുത്തതെന്ന കാര്യം വ്യക്തമല്ല.

ഇന്നലെ രാവിലെ 11 മണിയോടെയാണ് കോഴഞ്ചേരി ജില്ലാ ആശുപത്രിയില്‍ നിന്ന് നാലു ദിവസം മാത്രം പ്രായമായ കുഞ്ഞിനെ തട്ടിയെടുത്ത് യുവതി കടന്നു കളഞ്ഞത്.ലേബര്‍ റൂമിന് വെളിയില്‍ നിന്നും കുഞ്ഞിന്റെ പിതാവ് റാന്നി മാടത്തുംപടി ചെല്ലക്കാട്ട് കാവുംമൂലയില്‍ പാസ്റ്റര്‍ സിയുടെ കൈയ്യില്‍ നിന്നാണ് കുഞ്ഞിനെ തട്ടിയെടുത്ത് യുവതി ഓട്ടോ റിക്ഷയില്‍ രക്ഷപെട്ടത്.സജി -അനിത ദമ്പതികളുടെ രണ്ടാമത്തെ കുഞ്ഞിനെയാണ് യുവതി തട്ടിയെടുത്തത്.