ഫാ.ടോം ഉഴുന്നാലിനെ തട്ടിക്കൊണ്ടു പോയിട്ട് ഇന്ന് ഒരു വര്‍ഷം,മോചനശ്രമം തുടരുന്നെന്ന് കേന്ദ്ര സര്‍ക്കാര്‍

ടതക്കന്‍ യെമനിലെ ഏദനിലുള്ള വൃദ്ധ പുനരധിവാസ കേന്ദ്രത്തില്‍ നിന്നും ഫാദര്‍ ടോം ഉഴുന്നാലിനെ തട്ടിക്കൊണ്ടു പോയിട്ട് ഇന്ന് ഒരു വര്‍ഷം. കന്യാസ്ത്രീകളുള്‍പ്പടെ16 പേരേ കൊലപ്പെടുത്തിയതിനു ശേഷമായിരുന്നു ഉഴുന്നാലിനെ തട്ടിക്കൊണ്ടു പോയത്.അന്നു മുതല്‍ കേന്ദ്ര വിദേശകാര്യ മന്ത്രാലയം മോചന ശ്രമം തുടരുകയാണ്.

മോചനത്തിനു വേണ്ടി സാധ്യമായതെല്ലാം ചെയ്യുമെന്ന് കേന്ദ്രസര്‍ക്കാര്‍ ആവര്‍ത്തിക്കുന്നുണ്ടെങ്കിലും ഇന്‍ഡ്യയ്ക്ക് യെമനില്‍ നയതന്ത്രകാര്യാലയമില്ലാത്തതും അവിടെ സ്ഥിരമായ സര്‍ക്കാര്‍ ഇല്ലാത്തതും പ്രതിസന്ധി സൃഷ്ടിക്കുന്നുണ്ട്.ഫാദര്‍ ടോം ഉഴുന്നാലിന്റേതെന്ന് പറയപ്പെടുന്ന മോചനത്തിനായി ഒന്നും ചെയ്യുന്നില്ലെന്ന് പറഞ്ഞുകൊണ്ടുള്ള വീഡിയോ ദൃശ്യങ്ങള്‍ കുറച്ചു നാള്‍ മുന്‍പ് പുറത്തു വന്നിരുന്നു.എന്നാല്‍ താന്‍ എവിടെയാണെന്ന് ആരാണ് തട്ടിക്കൊണ്ടു പോയതെന്നോ വീഡിയോയിലും വ്യക്തമാക്കുന്നില്ല.മോചനത്തിനായി ഫലപ്രദമായ നീക്കം നടത്തണമെന്നാവശ്യപ്പെട്ട് കത്തോലിക്കാ സഭാ പ്രതിനിധികളും മറ്റ് ക്രൈസ്തവ സഭാ പ്രതിനിധികളും എം പി മാരുമൊക്കെ പ്രധാനമന്ത്രി നരേന്ദ്രമോദിയെ കണ്ടിരുന്നു.മോചനത്തിനായി സര്‍ക്കാര്‍ വേണ്ടതെല്ലാം ചെയ്യുമെന്ന് മോദി ഉറപ്പും നല്‍കിയിട്ടുണ്ട്.